अभिनेत्री तुनिषा शर्मा आत्महत्या प्रकरणी शिजान खान (Sheezan Khan) गेल्या अनेक दिवसांपासून चर्चेत आहे. गेल्या काही दिवसांपासून तो पोलिसांच्या ताब्यात आहे. आता त्याला १४ दिवसांची न्यायालयीन कोठडी सुनावण्यात आली आहे.
तुनिषा शर्मा आत्महत्ये प्रकरणी नवीन माहिती समोर आली आहे. अभिनेता शिजान खानवर तुनिषाला आत्महत्येस प्रवृत्त केल्याचा आरोप करण्यात आला आहे. आता त्याला १४ दिवसांची न्यायालयीन कोठडी सुनावण्यात आली आहे. सध्या पोलिसांकडून त्याची चौकशी सुरू आहे.
तुनिषा शर्मा 'अलीबाबा : दास्तान ए कबूल' या मालिकेत काम करत होती. मालिकेतील सहकलाकार शिजान खानवर तुनिषा प्रेम करत होती. १५ दिवसांपूर्वी शिजान खानने तिच्यासोबत ब्रेकअप केले व तिला सोडून दिले होते.शनिवारी तुनिषा वॉश रूममध्ये गेली होती आणि बराच वेळ सेटवर आली नाही. त्यामुळे सेटवरील कर्मचाऱ्यांनी रेस्ट रूमचा दरवाजा तोडला तेव्हा ती गळफास घेतलेल्या अवस्थेत आढळून आली.