टीव्ही अभिनेत्री निया शर्मा कायम ट्रोलर्सच्या निशाण्यावर असते. बोल्ड व्हिडिओ आणि बिकनीतील हॉट फोटो शेअर केल्यामुळे निया अनेकदा ट्रोल झाली आहे. अगदी लिपस्टिकच्या रंगावरूनही नियाला लोकांनी नाही-नाही ते सुनावले आहे. पण सध्या निया तिच्या एका मजेशीर व्हिडीओमुळे चर्चेत आली आहे. होय, सध्या नियाचा एका व्हिडीओ वेगाने व्हायरल होतोय. या व्हिडिओमध्ये निया इंदूरच्या एका पानाच्या दुकानासमोर उभी असून पान खाताना दिसतेय. पण हे साधेसुधे पान नसून ‘फायर पान’आहे. हा व्हिडिओ इतका मजेशीर आहे की, तो पाहिल्यानंतर तुम्हालाही हसू आवरणार नाही.
दुकानदार नियाचा ‘फायर पान’ बनवून देतो. पण या पानातून आग निघताना पाहून नियाची घाबरगुंडी उडते. हे पान खाऊ की नको, असे तिला होते. सुरुवातीला ती घाबरून मागे होते. पण दुकानदार ‘फायर पान’ पान देतो आणि ते तोंडात गेल्यानंतर नियाचा चेहरा बघण्यासारखा होतो.
सोशल मीडियावर निया कमालीची अ‍ॅक्टिव्ह आहे. इन्स्टाग्रामवर तिचे लाखो फॉलोवर्स आहेत. सध्या ती ‘इश्क मे मरजावाँ’ मध्ये आरोहीची भूमिका साकारते आहे. 2017 मध्ये ‘सेक्सिएस्ट एशियन वूमन’च्या यादीत निया तिस-या स्थानावर होती. पण 2018 मध्ये मात्र तिने तिस-या स्थानावरून दुस-या स्थानावर उडी घेतली होती.लंडन येथील ’इस्टर्न आय’ या मॅगझिनने ही 50 ‘सेक्सिएस्ट एशियन वूमन’ची यादी जाहीर केली होती.