कलाविश्व म्हटलं की येथील झगमगाट आणि सेलिब्रिटींचा स्टारडम कायमच प्रेक्षकांचं लक्ष वेधून घेत असतात. त्यामुळे या सेलिब्रिटींविषयी चाहत्यांना प्रचंड कुतूहल असतं. यात अनेक सेलिब्रिटी त्यांच्या महागड्या कार, घरं आणि लक्झरी लाइफस्टाइल यामुळे चर्चेत येत असतात. परंतु, सध्या सोशल मीडियावर एक अभिनेत्री तिच्या स्टारडममुळे नव्हे तर चक्क चोरी केल्यामुळे चर्चेत आली आहे. सध्या या अभिनेत्रीचा व्हिडीओ सोशल मीडियावर व्हायरल होत असून नेटकऱ्यांमध्ये तिची कमालीची चर्चा रंगली आहे.
सध्या सोशल मीडियावर व्हायरल होत असलेल्या व्हिडीओमध्ये अभिनेत्री टीना दत्ता (tina datta) दिसून येत आहे. बऱ्याचवेळा अभिनयापेक्षा बोल्ड फोटोशूटमुळे चर्चेत येणाऱ्या टीनाने चक्क एका हॉटेलमध्ये चोरी केली आहे. तिची ही चोरी कॅमेरात आणि हॉटेल स्टाफने पकडली आहे.
छोट्या पडद्यावरील लोकप्रिय अभिनेत्री टीना दत्ताने ही चोरी केली असून यात तिने कोणतीही महागडी वस्तू लंपास केलेली नाही. तर, चक्क चहासोबत मिळणाऱ्या साखरेची लहान पाकिटं चोरली आहेत. विशेष म्हणजे टीनाने स्वत: तिच्या चोरीचा हा व्हिडीओ तिच्या इन्स्टाग्राम पेजवर शेअर केला आहे.
दरम्यान, सोशल मीडियावर टीनाचा हा व्हिडीओ तुफान व्हायरल होत आहे. परंतु, टीनाने खरोखरच चोरी केली नसून केवळ मजेचा एक भाग म्हणून हा व्हिडीओ शूट केला आहे. हा व्हिडीओ शेअर करत तिने मजेशीर कॅप्शनदेखील दिलं आहे. "मी हे असं अजिबात करत नाही. पण, जर तुम्ही कधी असं केलं असेल तर नक्कीच तुम्हाला हसू येईल", असं कॅप्शन टीनाने या पोस्टला दिलं आहे. अलिकडेच टीनाने काऊंटरवर बसून बोल्ड फोटोशूट केलं होतं. त्यामुळे तिची नेटकऱ्यांमध्ये चर्चा रंगली होती. तिची ही चर्चा संपत नाही तोच आता या नव्या व्हिडीओमुळे ती चर्चेत आली आहे.