छोट्या पडद्यावरील 'माझी तुझी रेशीमगाठ' (mazi tuzi reshimgath) ही मालिका सध्या अत्यंत रंजक वळणावर येऊन ठेपली आहे. एकीकडे नेहा आणि यश या दोघांनीही त्यांच्या सुखी संसाराची सुरुवात केली आहे. तर दुसरीकडे नेहाचा भूतकाळ तिच्या आयुष्यात पुन्हा डोकावत आहे. त्यामुळे या मालिकेत सध्या अनेक ट्विस्ट येत असल्याचं पाहायला मिळत आहे. विशेष म्हणजे आता नेहा आणि तिच्या पूर्वाश्रमीच्या नवऱ्याची भेट होणार आहे.
सध्या सोशल मीडियावर या मालिकेचा एक प्रोमो व्हायरल होत आहे. या प्रोमोमध्ये नेहा आणि यश यांच्यासमोर अविनाश येणार आहे. नेहाने पहिलं बिझनेस डिल क्रॅक केल्यामुळे पॅलेसमधील सगळ्या कर्मचाऱ्यांमध्ये भेटवस्तू वाटण्यात येते. या कर्मचाऱ्यांमध्ये अविनाशदेखील असतो. परंतु, नेहा आणि यश समोर येताच तो त्याचा चेहरा झाकून घेतो. त्यामुळे केवळ त्याचे डोळेच नेहाला दिसतात. विशेष म्हणजे नेहाला थोडीशी शंका येते. मात्र, यश सोबत असल्यामुळे ती अन्य कर्मचाऱ्यांना पुन्हा गिफ्ट्स वाटू लागते.
दरम्यान, नेहाने यशसोबत लग्न केल्यामुळे तिच्याकडून पैसे उकळता यावेत या हेतूने अविनाश पुन्हा तिच्या आयुष्यात आला आहे. इतकंच नाही तर आता परीला हाताशी धरुन नेहाला ब्लँकमेल करायचा त्याचा प्रयत्न सुरु झाला आहे. सध्या अविनाश परी आणि पिकाचूचा ड्रायव्हर म्हणून चौधरींकडे काम करत आहे. त्यामुळे या मालिकेत अविनाशच्या येण्यामुळे पुढे काय घडणार हे पाहणं औत्सुक्याचं ठरणार आहे.