Urfi Javed Video : सोशल मीडिया सेन्सेशन व अभिनेत्री उर्फी जावेद ( Urfi Javed) गेल्या काही दिवसांपासून बरीच चर्चेत आहे. भाजपा नेत्या चित्रा वाघ व उर्फीमधील शाब्दिक वाद तुम्हाला ठाऊक आहेच. उर्फीच्या बोल्ड कपड्यांवर आक्षेप घेत चित्रा वाघ यांनी पोलिसात तक्रार दाखल केली होती. पण यामुळे घाबरून माघार घेणार ती उर्फी कुठली. उर्फीची फॅशन पाहून अनेकांना हसावं की रडावं तेच कळत नाहीये. आता हेच बघा ना, फॅशनच्या नावावर उर्फीने चक्क जीन्स गळ्यात लटकवली. तिच्या या अतरंगी स्टाईलची अनेकांनी खिल्ली उडवली. एका चाहत्याने भन्नाट व्हिडीओ बनवला अन् तो सोशल मीडियावर अपलोड केला. या व्हिडीओवर उर्फीची सुद्धा नजर पडली. तिने चाहत्यानं बनवलेला हा व्हिडीओ आपल्या इन्स्टा अकाऊंटवर लगेच शेअर केला. सध्या हा व्हिडीओ तुफान व्हायरल होतोय. हा व्हिडीओ पाहून तुम्हालाही हसू आवरणार नाही.
व्हिडीओमध्ये शाहरुख खान व करिश्मा कपूरचा ‘दिल तो पागल है’ चित्रपटामधील सीन आहे. या सीनमध्ये करिश्मा शाहरुखसह जीन्स खरेदी करायला जाते. शाहरुख ट्रायल रुममध्ये जीन्स घालून बघतो. पण ट्रायल रुममधून बाहेर येताना जीन्स परिधान करणंच विसरतो. यावर “तुझी जीन्स कुठे आहे?”, असं करिश्मा विचारते. शाहरूखची हीच जीन्स उर्फीकडे पोहोचली आहे. व्हिडीओ मजेशीर आहे. इतका की हा व्हिडीओ बघून उर्फीलाही हसू आवरलं नाही.