बयोच्या स्वप्नपूर्तीचा प्रवास रेखाटणारी 'छोट्या बयोची मोठी स्वप्नं' (Chhotya Bayochi Mothi Swapana) ही सोनी मराठीवरील लोकप्रिय मालिका प्रेक्षकांनी चांगलीच उचलून धरली आहे. शिक्षणाच्या ध्यासाने कोकण ते मुंबई असा खडतर प्रवास करणारी बयो आता डॉक्टर होण्याच्या प्रवासात पुढची वाटचाल करते आहे. तिला आजवर वडिलांचा पाठिंबा आणि डॉ. विशालची साथ मिळाली. आजवरच्या सगळ्या अडचणींना सामोरं जात बयोचा डॉक्टर होण्याचा प्रवास सुरू आहे.
वडिलांसोबत ती गरजू रुग्णांची सेवा घरच्या घरी करू लागली, पण यात कमतरता राहिली ती तिच्या आईच्या सोबतीची, म्हणजेच भारतीची. पण मालिकेत आता भारतीचा पुन्हा प्रवेश होणार आहे. प्रेक्षकांची लाडकी अभिनेत्री वीणा जामकर आता आपल्याला भारती या भूमिकेतून पुन्हा पाहायला मिळणार आहे.