छोट्या पडद्यावरील 'वागले की दुनिया – नयी पीढी नये किस्‍से' रोमांचक ट्विस्‍ट्ससह वागलेच्‍या जीवनातील दैनंदिन घटनांना सादर करत प्रेक्षकांचे लक्ष वेधून घेत आहे. आगामी एपिसोड्समध्‍ये मालिका प्रेक्षकांना धमाल राइडवर घेऊन जाणार आहे, जेथे मालिकेमधील महिलावर्गाने गुपचूपपणे रिसॉर्टमध्‍ये नाइट आऊट धमाल करण्‍याचा बेत आखला आहे. प्रेक्षकांनी हसवून-हसवून लोटपोट करणारे क्षण पाहण्‍यास आणि पार्टीचा आनंद घेण्‍यास सज्‍ज राहा. 'वागले की दुनिया'च्‍या महिला त्‍यांना धमाल नाइट आऊटवर घेऊन जाणार आहेत.
पतींकडून अविरत होणारे नखरे व मागण्‍या पाहता महिलांनी आता या गोष्टीला लगाम घालण्‍याचे ठरवले आहे. स्‍वत: जबाबदारी घेत वंदना (परिवा प्रणती) आणि तिच्‍या मैत्रिणींनी ताजेतवाने होण्‍यासो‍बत आराम करण्‍यासाठी गुपचूपपणे रिसॉर्टमध्‍ये नाइट आऊट धमाल करण्‍याचे ठरवले आहे. महिला त्‍यांच्‍या या सिक्रेट मौजमजेबाबत उत्सुक असताना अथर्व (शीहान कपाही) त्‍यांच्‍या योजनेबाबत ऐकतो आणि त्‍याबाबत राजेशला (सुमीत राघवन) सांगतो.
राजेश हर्षद व जोशीपुरा यांना त्‍यांच्‍या पत्‍नींच्‍या सिक्रेट प्‍लानबाबत सांगतो. उत्‍सुकतेपोटी पुरूषमंडळी त्‍यांच्‍या पत्‍नींवर गुप्‍तपणे नजर ठेवण्‍याचा आणि पतींबाबतचे त्‍यांचे मत जाणून घेण्‍याचे ठरवतात. राजेश व इतरजण पार्टीचे आयोजन करण्यात आलेल्‍या हॉलमध्‍ये एक माइक बसवतात. महिला धमाल करण्‍याची तयारी करत असतात, पण त्‍यांना माहित नाही की पार्टी आणि त्‍यांच्‍या गप्‍पागोष्‍टी सिक्रेट राहणार नाहीत.
राजेश वागलेची भूमिका साकारणारे सुमीत राघवन म्‍हणाला, ''मालिकेमधील महिलांनी पहिल्‍यांदाच त्‍यांच्‍या पतीं शिवाय गुपचूपपणे अशा प्रकारचे काहीतरी नियोजन केले आहे. ज्‍यामुळे महिलांनी नियोजित केलेल्‍या सिक्रेट नाइट आऊट धमालबाबत राजेश व इतर पतींची काय प्रतिक्रिया असेल, हे पाहणे रंजक असणार आहे. एपिसोड हसवून-हसवून लोटपोट करणार आहे आणि पुढे काय घडते हे जाणून घेण्‍याची उत्‍सुकताही प्रेक्षकांमध्‍ये निर्माण करेल.''
वंदना वागलेची भूमिका साकारणा-या परिवा प्रणती म्‍हणाली, ''मालिकेमधील माझी भूमिका अत्‍यंत उत्‍साही आहे, ज्‍यामुळेच मला ती भूमिका खूप आवडते. पहिल्‍यांदाच महिलांनी गुप्‍तपणे काहीतरी करण्‍याची योजना आखली आहे आणि पतींना याबाबत समजल्‍यानंतर पुढे काय घडते हे पाहणे प्रेक्षकांसाठी उत्सुक असणार आहे. संपूर्ण सीक्‍वेन्‍सचे शूटिंग करताना खूप धमाल आली. आम्‍ही उत्‍साहपूर्ण वातावरणाचा आनंद घेऊ शकलो. मला खात्री आहे की, प्रेक्षक हा एपिसोड पाहण्‍याचा भरपूर आनंद घेतील.''