सई आणि पुष्करमध्ये का झाला वाद ?

कलर्स मराठीवरील बिग बॉस मराठीमध्ये विकेंडला आरती सोलंकी कमी मतं मिळाल्याने घराबाहेर जावं लागले. यामुळे मेघा धाडेने अनिल थत्ते यांना खडे बोल सुनावले. तर दुसऱ्या दिवशी जाऊन त्यांची माफी देखील मागितली. प्रत्येक आठवड्यामध्ये या घरामधून एक सदस्य घराबाहेर जाणार हे निश्चित असल्याने या आठवड्याची सुरुवात देखील नॉमिनेशन प्रक्रियेने होणार आहे. या प्रक्रीयेमध्ये कोण कोण कोणाला नॉमीनेट करणार ? कोणाला घराबाहेर जावे लागणार ? हे बघणे रंजक असणार आहे.  बिग बॉसमध्ये घरातील रहिवाशांना बिग बॉस देणार आहेत एक टास्क. “एका पेक्षा एक” हे टास्कचे नाव आहे. या टास्क नुसार घरातील सदस्यांनी स्वत:ला १ ते १४ या नंबर त्यांच्या घराबाहेरील लोकप्रियतेनुसार तसेच घरात आल्यानंतरच्या लोकप्रियतेनुसार नंबर देऊन त्याचे कारण घरच्यांना द्यायचे आहे. या टास्क दरम्यान घरातील सदस्यांमध्ये बराच वाद रंगला. जुई – स्मिता, पुष्कर आणि स्मिता तसेच मेघा आणि सुशांत यांमध्ये कोण कोणत्या नंबर अयोग्य आहे यावरून चर्चा आणि वाद विकोपाला गेला. आता या वादाचा परिणाम आठवड्यामध्ये होणाऱ्या नॉमिनेशन प्रक्रियेवर होणार हे नक्की. सुशांत आणि राजेश या टास्क दरम्यान झालेल्या वादावरून नाखूष आहे असे प्रेक्षकांना दिसून येणार आहे आणि पुष्करने सगळ्यात जास्त घरच्यांची नाराजगी ओढवून घेणार आहे. या टास्क दरम्यान जुई गडकरीने ती स्वत: घराबाहेर किती लोकप्रिय आहे आणि ती स्मिता गोंदकर ज्या नंबर उभी आहे त्या जागेस पात्र आहे असे देखील कारण देऊन घरच्यांना सांगण्याचा प्रयत्न करणार आहे.बिग बॉसच्या घरामध्ये विश्वासाचा, हक्काचा मित्र – मैत्रीण मिळण जरा कठीणच असतं. पण, सई लोकूरला पुष्करची मैत्री या घरामध्ये मिळाली. एक असा मित्र ज्याच्यासोबत ती तिला वाटणाऱ्या, तिच्या मनातल्या सगळ्या गोष्टी सांगू शकते. पण, सई आणि पुष्कर मध्ये वाद का झाला ? घरातल्यांनी समजवल्यानंतर सई पुष्करशी बोलेल का? रेशमला आश्चर्याचा धक्का का बसला ? घरातल्यांचा स्वभाव कळतं नाहीये असं रेशम का म्हणाली ? का घरातील काही सदस्य म्हणत आहेत रेशम प्लानिंग आणि गृपिसम करत आहे ? तसेच कोणाची नावे होणार नॉमिनेट घरातून घराबाहेर जाण्याच्या प्रक्रियेत ? हे सगळं जाणून घेण्यासाठी बिग बॉस मराठी.