​‘दिल ही तो है’च्या सेट्सवर योगिता बिहाणीला मिळाली गुरू

द�

��ल ही तो है ही मालिका बालाजी टेलिफ्लिम्सची असून या मालिकेत छोट्या आणि मोठ्या पडद्यावरचे अनेक कलाकार प्रेक्षकांना पाहायला मिळणार आहेत. या मालिकेच्या चित्रीकरणाला काहीच दिवस झाले असले तरी या मालिकेच्या कलाकारांमध्ये खूपच छान गट्टी जमली आहे. आपल्या जीवनात आपण कोणत्याही व्यवसायात काम करत असलो, तरी, आपले कोणी ना कोणी तरी गुरू असतात. या गुरूंनी आपल्याला सुरुवातीच्या काळात मार्गदर्शन केलेले असते. ज्येष्ठ मंडळींच्या सूचना आणि सल्ला यामुळे योग्य पथावर आपले मार्गक्रमण होते आणि आपण यशाची शिडी चढू शकतो. योगिता बिहाणी ‘दिल ही तो है’ या मालिकेद्वारे तिच्या छोट्या पडद्यावरील करियरला सुरुवात करत आहे. या मालिकेकडून तिला खूप साऱ्या अपेक्षा आहेत. योगिताची पहिलीच मालिका असल्याने तिला तिच्या सह-कलाकारांकडून आणि विशेषतः पूनम ढिल्लोनकडून वेळोवेळी मागदर्शन मिळत आहे. पूनम यांनी अनेक वर्षं अभिनयक्षेत्रात काम केले असल्याने त्यांच्या टिप्स योगितासाठी खूप महत्त्वाच्या आहेत.
योगिता बिहाणी आणि पूनम ढिल्लोन सेट्सवर नेहमी एकत्र असतात. बर्‍याचदा त्या दोघी पूनम यांच्या चित्रपटांबद्दल आणि त्यांच्या जीवनातील अनुभवांबद्दल बोलत असतात. अभिनयबाबत पूनम देत असलेल्या सूचना योगिता लक्षपूर्वक ऐकते आणि महत्त्वाची दृश्ये चित्रित करायच्या आधी ती आवर्जून पूनम यांच्याशी चर्चा करते. योगिताला याबाबत विचारले असता ती सांगते, “’दिल ही तो है’ सारख्या भव्य मालिकेचा एक भाग होणे हे माझ्यासाठी स्वप्न खरे झाल्यासारखे आहे. ही माझी पहिली मालिका आहे आणि त्यात माझा सर्वोत्कृष्ट अभिनय करण्याचा माझा प्रयत्न आहे. करण कुंद्रा, बिजय आनंद आणि पूनम ढिल्लोन सारख्या या उद्योगातील कसलेल्या कलाकारांसोबत मला काम करण्याची संधी मिळाली आहे. पूनमजींचा स्वभाव खूप गोड आहे आणि त्या वेळोवेळी मला माझा अभिनय सुधारण्यासाठी उपयुक्त सूचना देत असतात. अचूक पोझ कशी द्यावी, संवाद कसा बोलावा आणि कॅमेर्‍यासमोर चांगले पोश्चर कसे ठेवावे या गोष्टी त्या मला सांगतात. त्या महान कलाकार आहेत आणि त्यांच्यासारखी व्यक्ती मला माझे अभिनय कौशल्य सुधारण्यासाठी मदत करत आहे, हे मी माझे भाग्य समजते.”

Also Read : ‘दिल ही तो है’ मध्ये किथ सिक्वेरा दिसणार या भूमिकेत