Alia Bhatt In London: आलिया भट(Alia Bhatt) तिच्या हॉलिवूड डेब्यू 'हार्ट ऑफ स्टोन' (Heart Of Stone)च्या शूटिंगसाठी लंडनमध्ये आहे. यादरम्यान आलिया तिची बहीण शाहीन भट(Shaheen Bhatt)सोबत रिमा जैन आणि तिच्या कुटुंबियांना भेटायला गेली होती. त्यांच्यासोबत एका रेस्टॉरंटमध्ये जेवली देखील. यावेळी तिच्यासोबत चित्रपट निर्माता करण जोहर(Karan Johar) ही दिसला.
लंडनमध्ये करणसोबत पोज देताना आलियाचा अनसीन फोटो समोर आला आहे. यावेळी आलिया मेकअपशिवाय ब्लॅक कलरच्या ड्रेसमध्ये कंम्फर्टेबल दिसली. या फोटोमध्ये ती करण जोहर आणि एका चाहत्यासोबत पोज देताना दिसत आहे.
रणवीर सिंगसह अनेक बॉलीवूड सेलिब्रिटी लंडनमध्ये आहेत, जे इशारा देतात की आलिया आणि रणवीर त्यांच्या आगामी चित्रपट रॉकी और रानी की प्रेम काहानीच्या सीक्वेंसचे शूटिंग करू शकतात. ज्याचे दिग्दर्शन करण करत आहे. आलिया भटने अभिनेता रणबीर कपूरसोबत १४ एप्रिल रोजी सात फेरे घेतले. लग्नाच्या दोन महिन्यांनंतर आलियाने चाहत्यांना आनंदाची बातमी सांगितली. ही बातमी कळताच चाहत्यांच्या आनंदाला पारावार उरला नाही. सध्या आलिया तिचे प्रोजेक्ट पूर्ण करत आहे.
आलिया रणबीरच्या वर्क फ्रंटबद्दल बोलायचे झाले तर, यावर्षी रणबीर कपूर पत्नी आलिया भटसोबत रुपेरी पडद्यावर झळकणार आहे. 'ब्रह्मास्त्र' चित्रपटात ही जोडी पहिल्यांदाच दिसणार आहे. चाहते या चित्रपटाची आतुरतेने वाट पाहत आहेत. या चित्रपटाशिवाय रणबीर कपूरकडे अनेक चित्रपट आहेत