अभी तक ‘झोली’ खाली ?

क बीर खानचा ‘बजरंगी भाईजान’ हा चित्रपट २०१५ मधील सर्वांत हिट ठरला. बॉक्स आॅफीसवर चित्रपटाने प्रचंड कमाई केली. भरघोस कमाई करून विविध अ‍ॅवॉर्ड फंक्शनमध्ये अनेक पुरस्कारही चित्रपटाला मिळाले. पण तुम्ही कल्पना करू शकता का की, सलमान खानला या चित्रपटासाठी कबूल केलेले मानधन अद्याप देऊ शकलेले नाहीत. ज्याने चित्रपट अक्षरश: खांद्यावर उचलला. आणि यशाच्या शिखरावर नेऊन पोहोचवला. त्याची मात्र झोली आता रिकामीच आहे. जवळपास ३५ कोटीच्या घरात ही किंमत अजून द्यायची बाकी आहे. चित्रपट प्रदर्शित होऊन सहा महिने उलटून गेले तरी सलमानला मात्र काहीच रक्कम मिळालेली नाही.