Tunisha Sharma Death: लाडक्या लेकीला शवागारात निपचित पडलेलं बघून आई बेशुद्ध, तुनिषाच्या आईचा व्हिडीओ व्हायरल

Tunisha Sharma Death: तुनिषाच्या आईचा एक व्हिडीओ सोशल मीडियावर व्हायरल होतोय. हा व्हिडीओ पाहून तुमच्याही डोळ्यांत पाणी येईल.

Tunisha Sharma Death: टीव्ही अभिनेत्री तुनिषा शर्माने 24 डिसेंबरला आत्महत्या केली. अवघ्या 20 व्या वर्षी तुनिषा हे जग सोडून गेली. आपल्या आईला देखील एकटं सोडून गेली. अशात तिच्या आईचा एक व्हिडीओ सोशल मीडियावर व्हायरल होतोय. हा व्हिडीओ पाहून तुमच्याही डोळ्यांत पाणी येईल.
अद्याप तुनिषावर अंत्यसंस्कार झालेले नाही. आज दुपारी 3 वाजता तिला अखेरचा निरोप दिला जाणार आहे. तत्पूर्वी काल रात्री तुनिषाची आई लेकीचं पार्थिव पाहायला रूग्णालयात गेली आणि लेकीचं निपचिप पडलेलं पार्थिव बघून जागीच बेशुद्ध पडली. व्हिडीओत तुनिषाची आई रूग्णालयातून बाहेर पडताना दिसतेय. तिची अवस्था बघवत नाही. कुटुंबीयांनी आधार देत त्यांना कसंबसं गाडीत बसवलं आणि गाडी घराकडे रवाना झाली. तुनिषाच्या आईचा हा व्हिडीओ पाहून अनेकांचे डोळे पाणावले.

तुनिषाने तिचा सहकलाकार शिजान खानसोबतच्या ब्रेकअपमुळे आत्महत्या केली होती. ‘अली बाबा: दास्तान-ए-काबुल’ या शोच्या सेटवर तिने मृत्यूला कवटाळलं.

तुनिषाच्या पार्थिवावर 25 डिसेंबर 2022 रोजीच तुनिषाचा अंत्यसंस्कार होणार होते. परंतु अभिनेत्रीची मावशी मुंबईत पोहोचू शकली नव्हती. आता कुटुंबाने एक निवेदन जारी करत, तुनिषावर आज अंत्यसंस्कार करण्यात येणार असल्याची माहिती दिली आहे. ‘आमची प्रिय तुनिषा शर्मा. अत्यंत दु:खाने कळवावे लागते की, तुनिषा शर्मा 24 डिसेंबर 2022 रोजी आम्हाला सोडून गेली. आज तिला अखेरचा निरोप दिला जाणार आहे. तिच्या अंत्यसंस्कारासाठी तुम्ही सर्वांनी यावे अशी आमची इच्छा आहे. मीरा रोड येथे दुपारी ३ वाजता तुनिषावर अंत्यसंस्कार केले जाणार आहेत,’असं कुटुंबीयांनी म्हटलं आहे.

Actress Tunisha Sharma death case | Sheezan cheated Tunisha, he was involved with some other girl but despite that, he was with Tunisha. Sheezan should not be spared, he should be punished: Vanita Sharma, Tunisha Sharma's mother pic.twitter.com/mNkA3Y6fPV

— ANI (@ANI) December 26, 2022

शिजान हा तुनिषाचा एक्स-बॉयफ्रेन्ड आहे. या वर्षी जूनमध्ये ‘अली बाबा: दास्तान-ए-काबुल’ या टीव्ही शोच्या शूटिंगदरम्यान त्यांची भेट झाली होती.   लडाख ट्रिपमध्ये त्यांच्यात जवळीक वाढली होती आणि ते एकमेकांना डेट करू लागले. मात्र तुनिषाच्या मृत्यूपूर्वी 15 दिवस आधी दोघांचं ब्रेकअप झालं होतं. तुनिषाच्या मृत्यूनंतर शिजानला अटक करण्यात आली असून   28 डिसेंबर 2022 पर्यंत पोलीस कोठडीत ठेवण्यात आलं आहे.