Tunisha Sharma Funeral : अवघ्या 20 व्या वर्षी गळफास लावून आत्महत्या करणारी तुनिषा शर्मा आज पंचतत्त्वात विलीन झाली. 24 डिसेंबर 2022 रोजी तुनिषाने मेकअप रूममध्येच गळफास घेत आयुष्य संपवलं. तुनिषा तर गेली, पण तिच्या आईची अवस्था बघून तुमचेही डोळे पाणावतील.
आत्महत्येनंतर तीन दिवसांनी आज तुनिषावर अंत्यसंस्कार करण्यात आले. तुनिषाला शेवटचा निरोप देण्यासाठी कुटुंबीय व टीव्ही जगतातील कलाकार उपस्थित होते.
तुनिषाला शेवटचा निरोप देताना तिच्या आईची अवस्था बघवत नव्हती. लेकीला अखेरचा निरोप देताना तुनिषाची आई बेशुद्ध झाली. यावेळी कुटुंबीयांनी त्यांना आधार दिला. तुनिषाच्या आईची ही अवस्था बघून अनेकांचे डोळे पाणावले.
शिजानच्या बहिणींनाही अश्रू अनावर...तुनिषा आत्महत्या प्रकरणी तिचा एक्स बॉयफ्रेंड शिजान खानला अटक करण्यात आली आहे. तुनिषा शर्मा आणि शिजान खान मागच्या 3-4 महिन्यांपासून रिलेशनशिपमध्ये होते. मात्र 15 दिवसांआधीच दोघांचं ब्रेकअप झालं होतं. या ब्रेकअपमुळे तुनिषा नैराश्यात होती. त्यातूनच आत्महत्येसारखं टोकाचं पाऊल उचललं असल्याचा आरोप तिच्या आईने केला आहे. शिजानचे इतर मुलींशी संबंध असल्याचा दावाही त्यांनी केला आहे. शिजान खान तुरूंगात असला तरी त्याची आई व बहिण तुनिषाच्या अंत्यसंस्काराला हजर होत्या. तुनिषाचं शिजानच्या बहिणीसोबत खूप चांगलं बॉन्डिंग होतं. तुनिषाच्या अंत्यसंस्कारावेळी त्यांनाही अश्रू अनावर झाले होते.
तुनिषा छोट्या पडद्यावरील लोकप्रिय अभिनेत्री होती. तिने अनेक मालिकांमध्ये काम केलं आहे. अलिबाबा: दास्तान ए कबूल मालिकेत ती मुख्य भूमिका साकारत होती. या मालिकेच्या सेटवरच तिने मेकअप रुममध्ये गळफास घेत आत्महत्या केली.