Tunisha Sharma Death Case: 'मलाच कळत नाहीए मला काय होतंय..' तुनिशाची ऑडिओ क्लिप व्हायरल

शिजानच्या कुटुंबियांनी पत्रकार परिषदेत एक ऑडिओ क्लिप जाहीर केली. तुनिशा तिच्या आईशी फोनवर बोलत असल्याची ही क्लिप आहे

Tunisha Sharma Death Case:  टीव्ही अभिनेत्री तुनिशा शर्माने आत्महत्या केली आणि आरोप प्रत्यारोप सुरू झालेत. तुनिशाची आई वनिता यांनी केलेल्या आरोपानंतर आता या प्रकरणात सध्या तुरुंगात असलेल्या शिजान खानच्या वकीलांनी आणि कुटुंबीयांनी आज एक पत्रकार परिषद घेतली. यावेळी शिजानच्या कुटुंबीयांनी तुनिशाच्या आईच्या आरोपांना उत्तर देत, अनेक प्रतिआरोप केलेत. दरम्यान शिजानच्या कुटुंबियांनी पत्रकार परिषदेत एक ऑडिओ क्लिप जाहीर केली. तुनिशा तिच्या आईशी फोनवर बोलत असल्याची ही क्लिप आहे.

तुनिशाची ऑडिओ क्लिप ऐकून सर्वांनाच धक्का बसला आहे. यामध्ये तुनिशा मानसिकदृष्ट्या खचलेली वाटत आहे. यामध्ये तुनिशा म्हणते, 'आई तू माझ्या आयुष्यात खूप महत्वाची व्यक्ती आहेस. तुझ्यासोबत सगळं शेअर करण्याची इच्छा होते. पण काय माहित...काय माहित...मलाच कळत नाहीए की मला काय होतंय.' तुनिशाची ही ऑडिओ क्लिप ऐकल्यानंतर ती किती तणावाखाली होती याचा अंदाज बांधता येतो. 

View this post on Instagram

A post shared by Viral Bhayani (@viralbhayani)

आईने दाबलेला  तुनिशाचा गळा?

शिजानच्या वकीलांनी केलेल्या दाव्यानुसार, तुनिशा व तिच्या आईचे संबंध ठीक नव्हते. वडिलांच्या निधनानंतर तुनिशा निराश होती. तिला तिचा वाढदिवस सेलिब्रेट करणंही आवडायचं नाही. एकदा संजीवने उकसवल्यामुळे तुनिशाच्या आईने तिचा गळा दाबण्याचा प्रयत्न केला होता. शिवाय तुनिशाचा फोनही तोडला होता. तुनिशाने स्वत: मालिकेच्या दिग्दर्शकासोबत ही गोष्ट शेअर केली होती. तुनिशा स्वत: कमावयाची. पण तिच्या कष्टाचा पैसा तिचा नव्हता. ती यासाठी आईवर अवलंबून होती.

Tunisha Sharma Death Case: संजीव कौशल हे नाव ऐकताच घाबरायची तुनिषा शर्मा, यायचे पॅनिक अटॅक, जाणून घ्या कोण आहे तो?

तुनिशाने 24 डिसेंबर 2022 रोजी मालिकेच्या सेटवर गळफास लावून आत्महत्या केली होती. तुनिशाच्या आईने लेकीच्या आत्महत्येसाठी शिजान खानला दोषी ठरवलं होतं. शिजानने तुनिशाची ब्रेकअप केलं होतं, म्हणून ती निराश होती. त्याने तिच्यावर धर्मांतरासाठी दबाव टाकला. त्याने माझ्या मुलीला फसवलं, तिचा वापर केला, असे आरोप तुनिशाच्या आईने केले होते. याप्रकरणी शिजान खानला अटक करण्यात आली असून सध्या तो न्यायालयीन कोठडीत आहे.