बिग बॉस १५ च्या (Bigg boss 15) घरातील अनेक स्पर्धक त्यांच्या टास्क खेळण्याच्या रणनीतीमुळे आणि वादग्रस्त वक्तव्यांमुळे चर्चेत येत आहे. सध्या या घरातील प्रत्येक स्पर्धक यंदाचं पर्व जिंकावं यासाठी प्रयत्न करत आहेत. त्यामुळे साम-दाम-दंड-भेद या सगळ्याचा वापर ते करताना दिसत आहेत. विशेष म्हणजे या पर्वाचा अंतिम सोहळा हळूहळू जवळ येत असून प्रेक्षकांना यंदाच्या पर्वाचा विजेता कोण होईल याची उत्सुकता लागली आहे. यामध्येच लोकप्रिय अभिनेत्री आणि बिग बॉसची माजी स्पर्धक रश्मी देसाईने (rashmi desai) बिग बॉस १५ च्या विजेत्याचं नाव जाहीर केलं आहे.
अलिकडेच रश्मी देसाईने सोशल मीडियावर एक पोस्ट शेअर केली. या पोस्टमध्ये तिने बिग बॉस १५ च्या स्पर्धकांविषयी तिचं मत मांडलं. सोबतच तिने यंदाच्या पर्वात नेमकं कोण विजेता होणार याची हिंटही प्रेक्षकांना दिली. त्यामुळे सध्या सोशल मीडियावर या बिग बॉस १५ चर्चेत आलं आहे.
500 कोटी दावणीला! 'या' 6 चुकांमुळे Bigg boss 15 च्या TRP मध्ये घसरण
रश्मीने अलिकडेच ट्विटरवर एक पोस्ट शेअर केली आहे. या पोस्टमध्ये तिने बिग बॉस १५ ची विजेती तेजस्वी प्रकाश होणार असल्याचं म्हटलं आहे. "तेजस्वी प्रकाश..कोणी समजो न समजो पण तरीदेखील प्रेम, आदर आणि मान राखत तू तुझं मत मांडत असते. तू मुळातच एक विजेता ठरली आहेस. ज्या पद्धतीने तू राजीव अदतियाला पाठिंबा दिला आणि त्याच्यासोबत ठामपणे उभी राहिलीस त्यासाठी खूप प्रेम. तू खूप गोड आहेस तेजू", असं ट्विट रश्मीने केलं आहे.
दरम्यान, रश्मी देसाईने केलेलं हे ट्विट सध्या सोशल मीडियावर वाऱ्यासारखं व्हायरल होत आहे. तेजस्वी सध्या बिग बॉसच्या घरात टास्क खेळण्यासोबतच करण कुंद्रासोबत असलेल्या रिलेशनशीपमुळेही चर्चेत येत आहे.