उमेशने घेतला गावसकरांचा आॅटोग्राफ

चित्रपटांच्या मायावी नगरीतील स्टार्सदेखील या क्रिकेटर्सचे फॅन आहेत, असे सांगितले तर वावगे ठरणार नाही. आता पाहा ना नुकतेच अभिनेता उमेश कामत याने सुनील गावसकर यांच्यासोबत फोटो काढले

क्रिकेटचे वेड कोणाला नसते हो? क्रिकेटर्सच्या प्रेमात पडणाऱ्या त्यांच्या चाहत्यांची संख्या काही कमी नाही. आपल्या आवडत्या क्रिकेटरची एक झलक पाहण्यासाठी त्यांचे चाहते हजारो रुपयांची तिकिटे खरेदी करून स्टेडियमवर तुफान गर्दी करतात. परंतु चित्रपटांच्या मायावी नगरीतील स्टार्सदेखील या क्रिकेटर्सचे फॅन आहेत, असे सांगितले तर वावगे ठरणार नाही. आता पाहा ना नुकतेच अभिनेता उमेश कामत याने सुनील गावसकर यांच्यासोबत फोटो काढले. एवढेच नाही तर त्याला गावसकरांचा आॅटोग्राफ घेण्याचा मोहदेखील आवरता आला नाही. उमेशने बुक किंवा हातावर नाही तर चक्क त्याने अंगात घातलेल्या त्याच्या ग्रे कलरच्या टी-शर्टवरच गावसकरांचा आॅटोग्राफ घेतला आहे. उमेशला तो आॅटोग्राफ मिळाल्याचा इतका आनंद झाला, की तो म्हणतोय नेव्हर गोर्इंग टू वॉश धिस टी-शर्ट. ज्या कलाकारांच्या एका अॉटोग्राफसाठी त्यांचे चाहते वेडे असतात, अशा कलाकारांनादेखील त्यांच्या आयडल पर्सनच्या आॅटोग्राफचे वेड असते, हेच यातून पाहायला मिळते.