जगात असे काही लोक असतात, जे स्वतः मोठे होतात आणि आपल्या यशाच्या प्रवासात आपल्यासोबत इतरांनाही सहभागी करून घेतात. रितेश देशमुख (Riteish Deshmukh) अशा लोकांपैकीच आहे. रितेशचा आगामी चित्रपट वेड (Ved Marathi Movie) लवकरच प्रेक्षकांच्या भेटीला येत आहे. या चित्रपटातून रितेश आणि जिनिलिया (Genelia D'souza-Deshmukh) बऱ्याच मोठ्या कालावधीनंतर रुपेरी पडद्यावर काम करताना दिसणार आहे. हे दोन्ही कलाकार आपल्या वेड चित्रपटाच्या टीमसह द कपिल शर्मा शोमध्ये हजेरी लावली आहे. यावेळी, अभिनेता शुभंकर तावडे आणि संगीतकार जोडी अजय-अतुल (Ajay-Atul) यांचा समावेश होता.
या धमाल-मस्ती आणि हास्य-विनोदाने भरलेल्या भागात कपिल शर्मा अजय-अतुलला रितेशशी त्यांचे इतके दृढ नाते असण्यामागचे कारण विचारेल. या नात्याबद्दल बोलताना अतुल म्हणाला, मी नेहमी ही गोष्ट सांगतो. असं नाहीये की रितेश नेहमी आमच्याकडे येतो किंवा आम्ही त्याच्याकडे जातो. उलट, तो आम्हाला त्याच्यासोबत नेतो. आमच्या संगीत प्रवासात आमच्या नावाची शिफारस निर्मात्यांकडे करून रितेशने आम्हाला जी मदत केली आहे, तशी इतर कुणीच केली नसती.
अतुलच्या शब्दांनी सद्गदित झालेला रितेश म्हणाला की, त्यांच्या प्रतिभेमुळे ते झळकले. त्यांना यश मिळाले ते केवळ त्यांच्या कठोर परिश्रमामुळे! रितेश देशमुख दिग्दर्शित आणि अभिनित वेड (Ved Marathi Movie) हा मराठी चित्रपट ३० डिसेंबर रोजी प्रदर्शित होत आहे.