कल्पना करा, विदेशातील एखाद्या छोट्याशा गावातील दुपार...याठिकाणी रस्त्याच्या कडेला बसलेला एक म्युझिशियन...अचानक त्याच्या वाद्यातून तुमच्या आवडत्या गीताची धून छेडली जाते...आणि तुम्ही सगळे काही विसरून तिथेच थिरकायला लागता...असेच काहीसे घडते ते अभिनेत्री डिम्पल कपाडिया यांच्याबद्दल.होय, डिम्पल कपाडिया सध्या अक्षय कुमारच्या कुटुंबासोबत इटलीत सुट्टीचा आनंद घेत आहेत.इटलीतील एका छोट्याशा खेड्यात दुपारचीच वेळ. रस्त्याच्या कडेला बसलेल्या एका म्युझिशियनने त्याच्या वाद्यावर ‘बॉबी’ या चित्रपटातील एका गाण्याची धून छेडली आणि डिम्पल कपाडिया स्वत:ला रोखू शकल्या नाहीत. सगळे काही विसरून त्याही थिरकायला लागल्या. अक्षय कुमारने हा सुंदर क्षण कॅमेºयात कैद केला आणि सोशल मीडियावर चाहत्यांसोबत शेअर केला.
‘बॉबी’ च्या यशानंतर डिंपल यांच्याकडे चित्रपटांमध्ये काम करण्यासाठी दिग्दर्शकांच्या रांगा लागल्या होत्या. पण, त्यांनी सर्व ऑफर्स नाकारत राजेश खन्ना यांच्यासोबत लग्न केले आणि चित्रपटसृष्टीला रामराम ठोकला.