बॉलिवूड अभिनेता सलमान खान (Salman Khan) अभिनेता अक्षय कुमार(Akshay Kumar)वर प्रेमाचा वर्षाव करताना दिसत आहे. सोशल मीडियावर या दोन्ही कलाकारांमध्ये जबरदस्त बॉण्डिंग पाहायला मिळत आहे. सलमानने अक्षय कुमारचा एक थ्रोबॅक इमोशनल व्हिडिओ शेअर केला आहे.
शुक्रवारी सलमान खानने त्याच्या इंस्टाग्राम स्टोरीजवर सलमान खानची एक क्लिप पोस्ट केली ज्यामध्ये अक्षयची बहीण अलका भाटियाने त्याला रिअॅलिटी शोमध्ये एक ऑडिओ मेसेज पाठवला, ज्यामुळे 'खिलाडी कुमार' भावूक झाला. हा व्हिडिओ पाहून सलमानही इमोशनल झाला आणि त्याने तो इन्स्टाग्रामवर शेअर केला.
इंस्टाग्राम स्टोरीवर व्हिडिओ शेअर करताना सलमानने कॅप्शन दिले की, "मी नुकतेच असे काहीतरी पाहिले जे मी सर्वांसोबत शेअर करावे असे मला वाटले. देव तुला आशीर्वाद देईल अक्की, खरोखर आश्चर्यकारक, हे पाहून खूप आनंद झाला... तंदुरुस्त राहा, काम करत राहा आणि देव तुमच्या सोबत असेल. नेहमी." भाऊ अक्षय कुमार..
सलमानचा व्हिडिओ शेअर केल्यानंतर अक्षयनेही त्याला रिप्लाय दिला. सलमानला प्रत्युत्तर देताना, अभिनेत्याने त्याच्या इंस्टाग्राम स्टोरीवर पुन्हा पोस्ट शेअर केली आणि लिहिले, तुझा मेसेज खूप चांगला वाटला. मला खूप छान वाटले. देव तुम्हालाही आशीर्वाद देवो.. ही इमोशनल क्लिप सुपरस्टार सिंगर २ या सिंगिंग रिअॅलिटी शो दरम्यानची आहे. जिथे अक्षय कौटुंबिक मनोरंजन चित्रपट 'रक्षा बंधन'च्या प्रमोशनदरम्यान पोहोचला होता. क्लिपमध्ये, त्याची बहीण अलकाने अक्षयला एक खास संदेश पाठवला होता ज्यामुळे अभिनेता भावूक झाला होता.सलमान खान आणि अक्षय कुमार यांनी आत्तापर्यंत 'मुझसे शादी करोगी' आणि 'जान-ए-मन' या दोन चित्रपटांमध्ये एकत्र काम केले आहे. अक्षय पुढे दिग्दर्शक राज मेहता यांच्या 'सेल्फी'मध्ये इमरान हाश्मीसोबत दिसणार आहे. हा चित्रपट २४ फेब्रुवारी २०२३ रोजी थिएटरमध्ये दाखल होणार आहे.