अभिनेता विवेक ओबेरॉयने (Vivek Oberoi) काही दिवसांपूर्वीच दिवाळीच्या मुहुर्तावर दुबईत आलिशान घर खरेदी केलं होतं. त्याची चर्चा सगळीकडेच झाली. आता अभिनेत्याच्या घरी महागडी कारही आली आहे. विवेकने ब्रँड न्यू रोल्स रॉयस कार खरेदी केली आहे. त्याने इन्स्टाग्रामवर व्हिडिओ शेअर करत कारची झलक दाखवली. तसंच वडिलांना घेऊन कारमधून सफरही केली.
विवेक ओबेरॉयने सिल्व्हर ग्रे रंगाची रोल्स रॉयस खरेदी केली आहे. याची झलक तिने इन्स्टाग्रामवर दाखवली. कार पार्किंगमधून बाहेर काढून त्याने आपल्या आई वडिलांना बसवलं. नंतर बायकोला बसवलं. चौघांनी ब्रँड न्यू कारमधून राईड एन्जॉय केली. विवेकने कॅप्शनमध्ये लिहिले, "यश हे वेगवेगळ्या आकारात आणि साच्यात येतं, आज ते यापद्धतीने आलं आहे. आयुष्यातले हे खास क्षण कुटुंबासोबत साजरे करता येतायेत यासाठी मी कृतज्ञ आहे."
विवेकने कारमधून आई, वडील सुरेश ओबेरॉय आणि पत्नी प्रियंका अल्वाची सैर केली. सुरेश ओबेरॉय यांनी नवीकार पाहून लेकाला मिठी मारली. तर चाहत्यांनीही या व्हिडिओवर अनेक कमेंट्स केल्या. 'तुझं यश पाहून बरं वाटतंय','तू या आनंदासाठी पात्र आहेस','असंच पुढे जात राहा' अशा कमेंट्स चाहत्यांच्या आहेत. तर राखी सावंतनेही फायर इमोजी कमेंट केली आहे.
विवेक ओबेरॉय कधी मुंबईत तर कधी दुबईत राहतो. रियल इस्टेटमध्ये त्याची बरीच गुंतवणूक आहे. तसंच फिल्ममेकिंगमधूनही तो पैसे कमावतो. त्याच्याकडे याआधी लॅम्बॉर्गिनी, मर्सिडीज याही कारचं कलेक्शन आहे.