सिटी ऑफ ड्रिम्स या वेबसीरिजमधील किसिंग सीनमुळे प्रिया बापट (Priya Bapat) खूप चर्चेत आली होती. इतकेच नाही तर तिला ट्रोलिंगचाही सामना करावा लागला होता. आजही तिच्या या सीन्सची चर्चा होताना दिसते. दरम्यान आता सई ताम्हणकरनेदेखील तिच्या आगामी हिंदी वेबसीरिजमध्ये बोल्ड आणि किसिंग सीन दिले आहेत. तिच्या या सीन्सची चर्चा होताना दिसत आहे. या वेबसीरिजचं नाव आहे क्राईम बीट(Crime Beat).
सई ताम्हणकरने नुकतेच तिच्या आगामी हिंदी वेबसीरिजचा ट्रेलर इंस्टाग्रामवर शेअर केला आहे. तिने हा व्हिडीओ शेअर करत लिहिले की, खबर पक्की है...क्राईम बीट तुमचे होश उडवेल. ही क्राईम थ्रिलरवर आधारीत वेबसीरिज आहे. यात सईशिवाय साकिब सलीम, सबा आझाद, सुधीर मिश्रा, आदिनाथ कोठारे यांच्यासह बरेच कलाकार आहेत.
सईच्या या पोस्टवर चाहते कमेंट्समध्ये तिची ही वेबसीरिज पाहण्यासाठी उत्सुक असल्याचे सांगत आहेत. या पोस्टवर प्रिया बापटने कमेंटमध्ये लिहिले की, ब्रिंग इट ऑन. तर अमृता खानविलकरने फायरची इमोजी टाकली आहे. तर क्रांती रेडकरने वुहहह अशी कमेंट केली आहे. एका युजरने म्हटले की,तू फ्लॉवर बिलकुल नही है... फायर है तू फायर..आमची ओजी पुष्पा. ऑल द वेरी बेस्ट. दुसऱ्या युजरने लिहिले की, तू खूप चांगली अभिनेत्री आहे. पण हिंदी सिनेमात किसिंग सीन देण्याची गरज नव्हती. आणखी एका युजरने लिहिले की, याची आतुरतेने वाट पाहतोय..... आजकाल चित्रपटांची स्क्रिप्टची तुमची निवड आवडली... धन्यवाद.