सध्या सोशल मीडियावर कोड एम (Code M) या वेब सीरिजची तुफान चर्चा रंगली आहे. या सीरिजच्या माध्यमातून जेनिफर विंगेट आणि अभिनेता तनुज विरवानी याने (Tanuj Virwani) नेटकऱ्यांचं लक्ष वेधून घेतलं. त्यामुळे सध्या सोशल मीडियावर या सीरिज आणि कलाकारांची चर्चा रंगली आहे. विशेष म्हणजे सध्या हे कलाकार त्यांच्या अभिनयासह पर्सनल लाइफमुळेही चर्चेत येत आहेत. तनुज आणि जेनिफर एकमेकांना डेट करत असल्याचं म्हटलं जात आहे.
सध्या तनुज, जेनिफर विंगेटसोबत असलेल्या अफेअरमुळे चर्चेत येत आहे. हे दोघं एकमेकांना डेट करत असल्याचं म्हटलं जातं आहे. त्यामुळे सध्या तो चांगलाच चर्चेत आहे. मात्र, वेबसीरिजमध्ये झळकलेला हा अभिनेता नेमका कोण आहे असा प्रश्न नेटकऱ्यांना पडला आहे.
कोण आहे तनुज विरवानी?
तनुज एक अभिनेता असण्यासोबतच मॉडलदेखील आहे. त्याने या सीरिजव्यतिरिक्त अनेक बॉलिवूड चित्रपटांमध्ये काम केलं आहे. तसंच काही अन्य सीरिजमध्येही तो झळकला आहे. तनुजने २०१७ साली प्रदर्शित झालेल्या Inside Edge मध्ये काम केलं होतं. त्याची ही भूमिका विशेष गाजली होती. तसंच २०१३ मध्ये त्याने Luv U Soniyo या चित्रटातून फिल्मी करिअरला सुरुवात केली. त्यानंतर त्याने वन नाइट स्टँडमध्ये सनी लिओनीसोबत स्क्रीन शेअर केली. अभिनेता होण्यापूर्वी तनुजने असिस्टंट डायरेक्टर म्हणूनही काम केलं आहे.
दरम्यान, अफेअरच्या चर्चांवर जेनिफरने तिचं मतही मांडलं होतं. या सगळ्या अफवा असून माझ्या घरातल्यांना सत्य परिस्थिती माहित आहे. त्यांना कोणताही फरक पडत नाही. आमच्या दोघांमध्ये चांगली मैत्री आहे. तो सेटवर प्रचंड उत्साहात असतो त्यामुळे सेटवर कायम खेळीमेळीचं वातावरण असतं, असं तिने म्हटलं होतं. जेनिफरने हे उत्तर देत अफेअरच्या चर्चांना पूर्णविराम दिला आहे. जेनिफरने अभिनेता करणसिंग ग्रोवरसोबत लग्न केलं होतं. मात्र, त्याचं नातं फार काळ टिकलं नाही. त्यामुळे दोघांनीही कायदेशीररित्या घटस्फोट घेतला. घटस्फोटानंतर करणसिंगने अभिनेत्री बिपाशा बासूसोबत दुसरा संसार थाटला. तर जेनिफर अद्यापही सिंगल आहे.