अभिनेत्री भूमी पेडणेकर (Bhumi Pednekar) तिच्या नवीन अफेअरमुळे बी-टाऊनमध्ये चर्चेत आहे. कियारा अडवाणी आणि सिद्धार्थ मल्होत्राच्या रिसेप्शनमध्ये भूमी पेडणेकरचा कथित किसिंग व्हिडिओ समोर आला होता. या व्हिडिओमध्ये अभिनेत्री एका मिस्ट्री मॅनला लिप किस करत होती. व्हिडिओ लीक झाल्यानंतर एकच खळबळ माजली. भूमी पेडणेकरचा किस करतानाचा व्हिडीओ व्हायरल झालेला हा मिस्ट्री मॅन कोण होता हे आता स्पष्ट झाले आहे. होय, त्याचे नाव यश कटारिया असल्याचे सांगितले जात आहे. यश कटारिया कोण आहे, ज्याचे नाव भूमी पेडणेकरसोबत जोडले जात आहे.
हा मिस्ट्री मॅन दुसरा कोणी नसून भूमी पेडणेकरचा बॉयफ्रेंड यश कटारिया आहे. जो व्यवसायाने बांधकाम व्यावसायिक आहे. मीडिया रिपोर्ट्सनुसार, भूमी आणि यश रिलेशनशीपमध्ये आहेत. मात्र, भूमी आणि यशकडून कोणतीही प्रतिक्रिया आलेली नाही. सिद्धार्थ मल्होत्रा आणि कियारा अडवाणी यांनी १२ फेब्रुवारी २०२३ रोजी मुंबईत रिसेप्शन पार्टी दिली. या पार्टीत बीटाउनचे सर्व सेलेब्स आले होते. अजय देवगण, काजोल, करीना, करण जोहर, मनीष मल्होत्रा, दिशा पटानी, क्रिती सनॉन ते शनाया कपूरसह सर्व स्टार्स सहभागी झाले होते. यादरम्यान भूमी पेडणेकरही गोल्डन साडीत स्टायलिश अंदाजात दिसली. या पार्टीनंतर सोशल मीडियावर एक व्हिडिओ व्हायरल होऊ लागला ज्यामध्ये भूमी पेडणेकर आणि यशचा लिपलॉकचा क्षण कैद झाला होता.