ऑनलाइन लोकमत
मुंबई, दि. 25 - एकाहून एक हिट चित्रपट देणारा अभिनेता सलमान खान याचा 'दबंग 3' चित्रपट लवकरच प्रेक्षकांच्या भेटीला येणार आहे. एका मासिकनं दिलेल्या माहितीनुसार आगामी 'दबंग-३' चित्रपटामध्ये सलमानसोबत काजोल मुख्य भूमिकेत काम करताना दिसणार असल्याचे सांगण्यात येत आहे.अरबाज खान प्रोडक्शन कंपनी, सलमान खान किंवा काजोल यांच्याकडून आतापर्यंत याबाबत कोणतीही अधिकृत माहिती मिळाली नाही. 'दबंग-३' चित्रपटामध्ये सलमानसोबत काम करण्यास काजोल तयार झाल्यास ही जोडी तिसऱ्यांदा मोठ्या पडद्यावर दिसू शकते. यापूर्वी सलमान खान आणि काजोलने ' प्यार किया तो डरना क्या ' आणि ' कुछ कुछ होता है ' मध्ये एकत्रित काम केले आहे. यापूर्वी 'दबंग-३' मध्ये सोनाक्षी सिन्हाची निवड करण्यात आल्याची माहिती सूत्रांकडून मिळत होती. मात्र आता तिच्या जागी एखादी नवी हिरोईन सलमान शोधत असल्याचेही सांगण्यात येत आहे. (परिणीती म्हणतेय, मी दबंग 3 मध्ये नाहीये)
सलमान खानच्या दबंग, दबंग 2 या चित्रपटांच्या यशानंतर दबंग 3 हा चित्रपट लवकरच प्रेक्षकांच्या भेटील येणार आहे. दबंगच्या पहिल्या आणि दुस-या भागात सोनाक्षी सिन्हा सलमानसोबत झळकली होती. त्या दोघांची केमिस्ट्रीही प्रेक्षकांना आवडली होती. आता सलमानसोबत पुन्हा काजोल दिसल्यास प्रेक्षकांना ही जोडी रुपेरी पडद्यावर किती आवडते हे पाहणं औत्सुक्याचं ठरणार आहे.