नागराज मंजुळे दिग्दर्शित 'फँड्री' सिनेमातील शालू म्हणजेच अभिनेत्री राजेश्वरी खरातने सोशल मीडियावर स्वतःचा एक फोटो पोस्ट केला आहे. या फोटोमध्ये राजेश्वरी खूप सुंदर दिसते आहे. तिच्या या फोटोवर लाइक्स आणि कमेंट्सचा वर्षाव होतो आहे. मात्र यातील एका कमेंटने सर्वांचे लक्ष वेधून घेतले आहे. तिला एका चाहत्याने थेट लग्नाची मागणी घातली आहे. चाहत्याच्या या मागणीवर राजेश्वरीने भन्नाट उत्तर दिले आहे. राजेश्वरीच्या या उत्तरामुळे तिची ही पोस्ट खूप व्हायरल होत आहे. राजेश्वरीने फेसबूकवर फोटो पोस्ट केला आहे.
राजेश्वरी खरातच्या फोटोवर एका युजरने कमेंटमध्ये लिहिले की, आयुष्य खूप सुंदर आहे फक्त तू बायको म्हणून घरी आली पहिजे. चाहत्यांच्या या कमेंटवर राजेश्वरी म्हणाली, ‘आणि माझ्या आयुष्याचे काय’ राजेश्वरीची ही कमेंट सध्या खूप व्हायरल होत आहे. राजेश्वरी बद्दल सांगायचे झाले तर, ती कायम सोशल मीडियावर फोटो शेअर करत असते.
फॅन्ड्रीनंतर राजेश्वरीचा ‘अ‍ॅटमगिरी’ हा सिनेमा आला होता.