कबड्डीत महाराणा प्रताप संघाची बाजी

गडचिराेली उपविभागांतर्गत वीर बाबूराव शेडमाके कबड्डी स्पर्धा व बिरसा मुंडा व्हाॅलिबाॅल स्पर्धा जिल्हा क्रीडा प्रबाेधिनी गडचिराेली येथे आयाेजित करण्यात आली हाेती. स्पर्धेचे उद्घाटन उपविभागीय पाेलीस अधिकारी भाऊसाहेब ढाेले यांच्या हस्ते करण्यात आले. यावेळी प्रमुख अतिथी म्हणून पाेलीस निरीक्षक दामदेव मंडलवार, सहायक पाेलीस निरीक्षक पूनम गाेरे, पाेलीस उपनिरीक्षक अविनाश चव्हाण आदी उपस्थित हाेते. या स्पर्धेत आरमाेरी, गडचिराेली, चामाेर्शी पाेलीस स्टेशन तसेच पाेटेगाव, घाेट, रेगडी येथील पाेलीस मदत केंद्र स्तरावर प्रथम आलेले संघ सहभागी झाले. वीर बाबूराव शेडमाके कबड्डी स्पर्धेत प्रथम क्रमांक महाराणा प्रताप कबड्डी संघ गडचिराेली, द्वितीय क्रमांक जयसेवा कबड्डी संघ पाेटेगाव व तृतीय क्रमांक विद्यार्थी क्रीडा कबड्डी संघ चामाेर्शी यांनी पटकाविला. विजेत्यांना राेख रक्कम व प्रमाणपत्र देऊन गाैरविण्यात आले.

स्पर्धेसाठी उपविभागीय पाेलीस अधिकारी कार्यालयाचे सहायक फाैजदार बंडू मारगाेनवार, सुखदेव कुमरे, थामदेव काेहपरे, नयन राेहणकर, राजू खाेब्रागडे, देवानंद काेठारे, प्रमाेद वाळके यांनी सहकार्य केले.

बाॅक्स...

व्हाॅलिबाॅल स्पर्धेत जिल्हा क्रीडा संकुल संघ प्रथम

व्हाॅलिबाॅल स्पर्धेत जिल्हा क्रीडा संकुल गडचिराेलीच्या संघाने प्रथम क्रमांक पटकाविला. द्वितीय क्रमांक जय माँ काली व्हाॅलिबाॅल क्लब आरमाेरी व तृतीय क्रमांक बिरसा मुंडा व्हाॅलिबाॅल संघ रेगडी यांनी पटकाविला. विजेत्या संघांना राेख रक्कम व पारिताेषिक देऊन गाैरविण्यात आले.