अज्ञात वाहनाच्या धडकेत दुचाकीस्वार गंभीर

देसाईगंज : शहरापासून दोन किलोमीटर अंतरावर असलेल्या देसाईगंज-ब्रम्हपुरी मार्गांवरील वैनगंगा नदी पुलावरून ब्रह्मपुरीकडे निघालेल्या दुचाकीस्वाराला पुलाच्या मधोमध अज्ञात वाहनाने जबर धडक दिली. यात तो गंभीर जखमी झाला. ही घटना शुक्रवारच्या दुपारी घडली.

दुचाकीच्या नंबरप्लेटवरून काढलेल्या माहितीनुसार, अन्नाजी देशमुख (२५ वर्षे) असे जखमी युवकाचे नाव आहे. तो देसाईगंजवरून आपल्या दुचाकीने (एमएच-३४ एई-३५३३) दुपारच्या सुमारास ब्रम्हपुरीकडे जायला निघाला होता. चंद्रपूर-गडचिरोली जिल्हा सिमेलगत समोरून येणाऱ्या अज्ञात चारचाकी वाहनाने त्याला जबर धडक दिली. यात त्याच्या हात, पायाला आणि डोक्यालाही जबर दुखापत झाली आहे.

देसाईगंज पोलिसांनी माहिती मिळताच घटनास्थळी धाव घेऊन त्या युवकाला ग्रामीण रुग्णालयात दाखल केले; पण त्याची प्रकृती पाहता त्याला गडचिरोली जिल्हा सामान्य रुग्णालयात हलविण्यात आले.

090721\196-img-20210709-wa0024.jpg

अज्ञात वाहनाच्या धडकेत एक ईसम एक गंभीर जखमी