Mehwish Hayat: दाऊदच्या 'गर्लफ्रेंडला' पाकिस्तानचा पंतप्रधान व्हायचय; इम्रान खानही आवडू लागलेत

Mehwish Hayat Also like Imran Khan, PTI Party: महविश हयातला एक प्रश्न विचारण्यात आला होता. यामध्ये पुढील निवडणुकीमध्ये इम्रान खानला राजकीय आव्हान देत आहात का असे विचारले गेले. यावर मी त्यांना आव्हान देऊ इच्छित नाही. मात्र, नंतर कोणाला ना कोणाला तरी त्यांची जागा घ्यावी लागणार आहे,असे ती म्हणाली आणि चर्चा सुरु झाली.

इस्‍लामाबाद: अंडरवर्ल्ड डॉन दाऊद इब्राहिम (Dawood Ibrahim) ची कथित गर्लफ्रेंड आणि पाकिस्तानी अभिनेत्री महविश हयातला (Mehwish Hayat) आता पाकिस्तानचापंतप्रधान (Pakistan PM) व्हायची इच्छा आहे. एवढेच नाही तर महविश ही पंतप्रधानइम्रान खान (Imran khan) आणि त्यांचा पक्ष पीटीआयचा खूप प्रभाव पडला आहे. महविशच्या दाव्यानुसार जेव्हापासून इम्रान खान सत्तेत आलेत, तेव्हापासून पाकिस्तानमध्ये खूप चांगल्या गोष्टी घडत आहेत. जर क्रिकेटर पंतप्रधान बनू शकतो तर अभिनेत्रीदेखील पंतप्रधान बनू शकते, असे तिचे म्हणणे आहे. (Mehwish Hayat has proved her potential as an actor and an influencer. she want to became PM of Pakistan.)

महविश हयातला एक प्रश्न विचारण्यात आला होता. यामध्ये पुढील निवडणुकीमध्ये इम्रान खानला राजकीय आव्हान देत आहात का असे विचारले गेले. यावर मी त्यांना आव्हान देऊ इच्छित नाही. मात्र, नंतर कोणाला ना कोणाला तरी त्यांची जागा घ्यावी लागणार आहे. यावेळी पंतप्रधान प्रदाची मी दावेदार असेन असे ती म्हणाली. जेव्हापासून पीटीआयची सत्ता आली आहे समाजाच्या विचारांमध्येही बदल झाले आहेत. 

देशात सकारात्मक बदल घडविण्याचा माझा विचार आहे. आता हे तर वेळच सांगेल की माझे स्वप्न संसदेत जाऊन पूर्ण होईल की नवीन पक्ष काढून, असे संकेतही तिने दिले आहेत. काही दिवसांपूर्वी अभिनेत्री महविश हयात आणि अंडरवर्ल्ड डॉन दाऊद इब्राहिममध्ये प्रेमसंबंध सुरु असल्याचे वृत्त आले होते. तसेच हे बाहेर आल्याने दाऊद चिडला असून हे बाहेर कसे लीक झाले याचा शोध घेत असल्याचा दावा देखील करण्यात आला होता. यावर अभिनेत्रीने दाऊदशी काही संबंध नसल्याचा खुलासा केला होता. 

महविश ही दाऊदपेक्षा 27 वर्षे छोटी आहे. तसेच दाऊदची हीच सर्वात मोठी कमजोरी आहे. या दोघांमधील प्रेमसंबंधांची चर्चा गेल्या वर्षीपासूनच सुरु झाली होती, जेव्हा महविशला 'तमगा-ए-इम्तियाज' या नागरी पुरस्काराने गौरविण्यात आले होते. यावर प्रश्नही उठू लागले होते. दाऊत हा महविशचे एक आयटम साँग पाहून भाळला होता. यानंतर दाऊदने महविशला मोठमोठ्या फिल्म मिळवण्यास मदत केली होती.