नाइट क्लबमधून डान्सर्स मागवून 'न्यूड पूल पार्टी' करायचे बिल गेट्स, लेखकाचा खळबळजनक दावा!

बिल गेट्स ऑफिसमध्ये रात्री आपल्या मित्रांना बोलावत आणि लोकल नाईट क्लबमधून डान्सर मागवून न्यूड पार्टी (Nude parties) करत.

वॉशिंग्टन - जगातील सर्वात मोठे अरबपती तथा Microsoftचे संस्थापक बिल गेट्स (Bill Gates) यांची सौम्य प्रतिमा लोकांच्या मनात आहे. मात्र मायक्रोसॉफ्टमध्ये काम करणारे काही कर्मचारी आणि त्यांच्या बायोग्राफरने, असा खुलासा केला आहे, की अनेकांना धक्का बसल्याशिवाय राहणार नाही. खरे तर, बिल गेट्स असे काम करू शकतात, असा कुणी विचारही करू शकत नाही.

ऑफिसमध्ये रात्री न्यूड पार्टी - 
बिझनेस इन्सायडरच्या एका रिपोर्टनुसार, बिल गेट्स मायक्रोसॉफ्टच्या आपल्या सुरूवातीच्या दिवसांत म्हणजे 80 आणि 90 च्या दशकात पार्ट्या करण्यात अत्यंत रममाण असायचे. इतके, की ते ऑफिसमध्ये रात्री आपल्या मित्रांना बोलावत आणि लोकल नाईट क्लबमधून डान्सर मागवून न्यूड पार्टी (Nude parties) करत. याशिवाय गेट्स यांना नाईट क्लबच्या डान्सर्ससोबत पूलमध्ये न्यूड होऊन पाण्याचा आनंद घ्यायलाही आवडायचे. त्यांच्यासाठी पार्टीत दारू पिणे सामान्य गोष्ट होती. हा खळबळजनक खुलासा अथवा रहस्याचा उलगडा त्यांच्याच बायोग्राफरने केला आहे. James Wallace असे त्यांचे नाव आहे.

Melinda-Bill Gates Love story : कशी होती बिल गेट्स यांची लव्हस्टोरी? इतक्या श्रीमंत माणसालाही आधी मिळाला होता नकार.....

रात्रीच्या वेळी करायचे न्यूड पार्टीचे आयोजन - 
James Wallace यांनी म्हटल्याप्रमाणे, बिल गेट्स आपल्या सुरुवातीच्या दिवसात अनेक वेळा सामान्य दिवसांप्रमाणे 17 तास काम करत नसत आणि रात्री न्यूड पार्टीचे आयोजन करत असत. वालेस यांनी सांगितले, की बिल गेट्स स्वतः न्यूड डान्सर्ससोबतच असायचे आणि ते त्यांना बाहेरून आणत असत. मात्र, या डान्सर्ससोबत गेट्स फिजिकल व्हायचे, की त्यांना पार्टीनंतर जाण्यास सांगायचे, हे त्यांना माहीत नाही, असेही वालेस यांनी म्हटले आहे. कम्प्युटर गॉसिप लिहिणाऱ्या Robert X. Cringely यांनी सांगितले की, मोठ्या कॉम्प्युटर एक्सपोमध्ये बिल किनोट स्पीकर असत आणि यानंतरच्या पार्टीत ते नेहमी प्रचंड दारू पित आणि त्यांना तत्काळ नशा चढत. 

पीआर टीम करायची छबी चमकावण्याचे काम - 
बिझनेस इन्सायडरच्या रिपोर्टमध्ये म्हणण्यात आले आहे, की बिल गेट्स आपल्या ऑफिसेसमध्ये जे काही करत, त्यावरून जगाचे लक्ष हटावे म्हणून, त्यांची पीआर टीम त्यांची प्रतिमा स्वच्छ ठेवण्यासाठी कठोर परिश्रम घेत. 1988 मध्ये बिल गेट्स जेव्हा एका अंतरराष्ट्रीय सेल्स मिटिंगमध्ये सहभागी झाले होते, तेव्हा त्यांनी यासाठी फ्रान्सच्या आल्प्समध्ये लेस आर्क्स स्की रिसॉर्ट भाड्याने घेतले होते. ते येथे हेलीकॉप्टरने गेले होते .

बिल गेट्स यांच्या घटस्फोटासाठी या महिलेला धरलं जात आहे जबाबदार, तिने दिली यावर प्रतिक्रिया...

तेव्हा केवळ 33 वर्षांचे बिल गेट ड्रिंकसाठी आपल्या कर्मचाऱ्यांसोबत सहभागी झाले होते आणि सकाळी सूर्य उगवण्यापर्यंत पार्टी करत राहिले. त्यांनी एवढे ड्रिंक केले होते, की ते शुद्धीवरही नव्हते. सकाळी साधारणपणे 5 वाजता गेट्स आपल्या एका महिला कर्मचाऱ्यावर झोपलेले दिसले होते.