घरात घुसून अल्पवयीन मुलीवर अत्याचार; आरोपी अटकेत   

तालुक्यातील घोटन गावी पीडिता आजी-आजोबा व वडिलांसोबत राहते शेतातील घरात राहते.

बदनापूर (जालना ) :  तालुक्यातील घोटन या गावातील आठवीत शिकणाऱ्या एका तेरा वर्षीय अल्पवयीन मुलीवर घरात घुसून बलात्कार केल्याची घटना उघडकीस आली आहे. याप्रकरणी  सोपान काजलकर (२५ ) यास पोलिसांनी अटक केली आहे. 

तालुक्यातील घोटन गावी पीडिता आजी-आजोबा व वडिलांसोबत राहते शेतातील घरात राहते. शनिवारी (दि. 2) तिचे आजी-आजोबा नगरला तर वडील जालना येथे कामानिमित्त गेले होते. सायंकाळी 7 ते 8 वाजेच्या सुमारास पिडीता घरात एकटीच अभ्यास करत होती. यावेळी शेजारी राहणारा सोपान काजलकर हा घरात घुसला व पिडीतेवर अत्याचार केला. दरम्यान, सोपान पिडीतेला या आधीसुद्धा रस्ता आडवून छेडत असल्याचे पुढे आले आहे. 

या प्रकरणी सोपान विठ्ठल काजलकर ( रा. घोटन) याच्या विरोधात बलात्कार व पोक्सो अंतर्गत गुन्हा दाखल करण्यात आला आहे. आरोपीला अटक करण्यात आली असून पुढील तपास सहा पोनि पी एस बोलकर हे करत आहेत.