चंदनझिऱ्याजवळ ट्रकच्या धडकेत एक ठार तर तिघे जण जखमी

भरधाव ट्रकने धडक दिल्याने दुचाकीस्वार ठार झाला.

लोकमत न्यूज नेटवर्कचंदनझिरा : भरधाव ट्रकने धडक दिल्याने दुचाकीस्वार ठार झाला. भोकरदन चौफुलीकडून औरंगाबाद चौफुलीकडे जाणाºया वळण रस्त्यावर मंगळवारी (दि.५) दुपारी हा अपघात घडला. गणेश हरिभाऊ जाधव (५०, रा. सुंदरनबर, चंदनझिरा) असे मृताचे नाव आहे.गणेश जाधव यांचे चंदनझिरा परिसरात शेत आहे. जाधव हे दुपारी सव्वा दोन वाजेच्या सुमारास नवीन औद्योगिक वसाहतीच्या परिसरात असलेल्या शेतात पाणी देण्यासाठी नातू साईनाथ कैलास भोसले (५) यास घेऊन लुणावरून जात होते. त्याचवेळी राजूर चौफुलीकडून भरधाव येणा-या ट्रक (क्र. सी. जी. ०७. बी. एफ. ४१८८) ने लुनाला जोरदार धडक दिली.या अपघातात गणेश जाधव जागीच ठार झाले तर नातू साईनाथ भोसले दूर फेकला गेल्याने जखमी झाला. घटनेची माहिती मिळताच पोलिसांनी घटनास्थळी धाव घेऊन जखमींना मदत केली. दरम्यान, ट्रक चालक घटनास्थळावरुन फरार झाला असून, त्याच्याविरुध्द चंदनझिरा पोलीस ठाण्यात गुन्हा दाखल करण्यात आला असल्याची माहिती पोलीस सूत्रांनी दिली. कॉन्स्टेबल कांबळे तपास करत आहेत.