गावठी हातभट्टी दारूच्या अड्ड्यावर छापा

तालुका जालना पोलिसांची कारवाई

जालना : अवैधरीत्या दारूची विक्री करणाऱ्या एकास तालुका जालना पोलिसांनी शनिवारी रात्री अटक केली. नारायण जगन जाधव (रा. गोंदेगाव) असे आरोपीचे नाव आहे. त्याच्याकडून २३९२ किमतीच्या ४६ देशी दारूच्या बाटल्या जप्त करण्यात आल्या. याप्रकरणी पोकॉं. प्रतापसिंग चैनसिंग जारवाल यांच्या फिर्यादीवरून तालुका जालना पोलीस ठाण्यात गुन्हा दाखल करण्यात आला. पुढील तपास डोईफोडे करीत आहेत.

अवैधरीत्या गोवंश मांसची विक्री : गुन्हा दाखल

जालना : घनसावंगी तालुक्यातील कुरेशी मोहोल्ला येथे अवैधरीत्या गोवंश मांसची विक्री करणाऱ्याविरुद्ध घनसावंगी पोलीस ठाण्यात गुन्हा दाखल करण्यात आला. इरफान आमिन कुरेशी (रा. जामा मस्जीद, घनसावंगी) हा घटनास्थळावरून फरार झाला आहे. पुढील तपास पोना. गोल्डे हे करीत आहेत.

शेतीच्या वादावरून एकास मारहाण

जालना : शेतीच्या वादातून दोघांनी एकास मारहाण केल्याची घटना अंबड तालुक्यातील झिरपी तांडा येथे शनिवारी घडली. याप्रकरणी सुरेश रामराव भावले यांच्या फिर्यादीवरून संतोष रंगनाथ भवर, गजानन रंगनाथ भवर (दोघे रा. झिरपी ता. अंबड ) यांच्याविरुद्ध गुन्हा दाखल करण्यात आला आहे. पुढील तपास पोहेकाँ राऊत करीत आहेत.