कामळस्कर फाऊंडेशनतर्फे दोनशे परळ वाटप

लोकमत न्यूज नेटवर्क

जळगाव : मोनाली कामळस्कर फाऊंडेशनच्यावतीने शहरात उन्हाळ्यात पक्षांना पाणी पिण्यासाठी वापरण्यात येणार्या परळाचे वाटप करण्‍यात आले.

जागतिक चिमणी दिवसाचे औचित्य साधून गुरूवारी शहरात परळ वाटपाचा कार्यक्रम घेण्‍यात आला. यावेळी कार्यक्रमास माळी समाजाचे पदाधिकारी संजय महाजन तसेच बँक ऑफ बडोदाचे मॅनेजर के. के. राऊत हे प्रमुख पाहुणे म्हणून उपस्थित होते. काथार वाणी समाजाचे माजी अध्यक्ष विजय नारायण वाणी यांची विशेष उपस्थिती होती. यावेळी २०० परळ व धान्यांचे छोटे पॅकेट नागरिकांना मोफत वितरित करण्यात आले. प्रास्ताविक सुधाकर वाणी यांनी केले तर आभार प्रदर्शन संस्थापक नंदकिशोर कामळस्कर यांनी मानले.

यशस्वीतेसाठी अनंत वाणी, वासुदेव वाणी, शंकर वाणी, राजेश वाणी, अजय कामळस्कर, रवींद्र वाणी, राहुल हरणे, शरद वाणी, रोहित वाणी, दिलीप वाणी, शामकांत वाणी, ललित वाणी, निखिल वाणी यांनी परिश्रम घेतले.