भाजपचे माजी जिल्हाध्यक्ष उदय वाघ यांचे ह्रदयविकाराच्या झटक्याने निधन

आंघोळ करताना तीव्र झटका

अमळनेर, जि. जळगाव : भाजपचे माजी जिल्हाध्यक्ष उदय वाघ यांचे २८ रोजी सकाळी १० वाजता ह्रदयविकाराच्या तीव्र झटक्याने निधन झाले.
उदय वाघ हे सकाळी आंघोळीला गेले असता २० मिनिटे झाली तरी ते बाहेर येत नव्हते. मुलगी भैरवी सासरी जाणार होती म्हणून ती त्यांना निरोप देण्यासाठी आवाज दिला. त्यांनी प्रतिसाद दिला नाही म्हणून शंका आली व दरवाजा तोडला व वाघ यांना डॉ. निखिल बहुगुणे यांच्या दवाखान्यात हलविले. तेथे डॉक्टरांनी त्यांना मृत घोषीत केले.
कुटुंबीय, नातेवाईक आणि भाजपसह सर्व पक्षाचे कार्यकर्ते, पदाधिकाऱ्यांनी रुग्णालयात व त्यांच्या घरी गर्दी केली होती. वाघ यांच्या पश्चात पत्नी आमदार स्मिता वाघ, दोन मुली ,जावई असा परिवार आहे.