खडकदेवळा हिवरा माध्यम प्रकल्पाच्या संरक्षण भिंतीजवळ भलामोठा खड्डा

आत्माराम गायकवाड

लोकमत न्यूज नेटवर्क

खडकदेवळा : पाचोरा तालुक्यातील प्रसिद्ध असलेल्या खडकदेवळा येथील हिवरा माध्यम प्रकल्पाच्या संरक्षण भिंतीजवळच प्रकल्प पाहण्यासाठी चढताना या रस्त्यावरून जाताना भलामोठा खड्डा पडला आहे. तो अत्यंत धोकादायक झाला आहे. हा खड्डा वाहनधारकांसाठी जणू जीवघेणा ठरत असून संबंधित विभागाने लक्ष देण्याची गरज निर्माण झाली आहे.

नुकत्याच झालेल्या पावसाने येथे रस्त्याला लागूनच भलामोठा असा मोठा खड्डा पडला आहे. अद्याप हा खड्डा दुरुस्त न केल्याने वाहनधारकांसाठी तो जीवघेणा बनला आहे. तसेच हा खड्डा हिवरा माध्यम प्रकल्पाच्या भिंतीजवळ असल्याने मोठा धोका निर्माण होऊ शकतो. संबंधित विभागाने तो त्वरित दुरुस्त करण्याची मागणी तहसीलदार कैलास चावडे व राष्ट्रवादी काँग्रेसचे माजी आमदार दिलीप वाघ यांना दिलेल्या निवेदनातून खडकदेवळा येथील युवा नेते बापू बालू पाटील यांनी केली आहे. मात्र प्रशासनाने दुर्लक्ष केल्याने नाइलाजाने ग्रामस्थ व पर्यटक याच खड्ड्याजवळून जीव मुठीत धरून प्रवास करीत आहेत.

माजी आमदार दिलीप वाघ यांनी त्वरित संबंधित विभागाच्या अधिकाऱ्यांना भ्रमणध्वनीवरून या प्रकरणी लक्ष देण्याचे सांगितले.

हिवरा मध्यम प्रकल्पाच्या संरक्षण भिंतीजवळच भला मोठा खड्डा पडला आहे. तो जीवघेणा खड्डा लवकरच बुजविण्यात येईल. मात्र खड्ड्यामुळे हिवरा माध्यम प्रकल्पाच्या सुरक्षेला कुठलाही धोका नाही. तो खड्डा लवकरच बुजविण्यात येईल.

- प्रतीक घुगे, शाखाधिकारी, खडकदेवळा हिवरा मध्यम प्रकल्प

खडकदेवळा हिवरा माध्यम प्रकल्पाच्या संरक्षक भिंतीजवळच भला मोठा खड्डा पडला आहे. संबंधित विभागाने लक्ष देण्याची गरज निर्माण झाली आहे. तो जीवघेणा खड्डा त्वरित बुजविण्यात यावा. यासाठी मी तहसीलदार व माजी आमदार दिलीप वाघ यांनादेखील निवेदन दिले आहे.

- बापू पाटील, युवा नेते, खडकदेवळा, ता. पाचोरा

180921\img20210917145404_01.jpg

*???????? ????? ?????? ???????????? ??????? ???????? ? ??????? ?????..*

*??????????? ?????????? ??? ??????? ?? ????? ?????? ???????????? ??????? ????????? ????...*

*?????? ???????? ? ???? ????? ????? ??? ????? ???? ??????...*