चोपडा येथे रानभाजी महोत्सवाचे आयोजन

चोपडा : येथे कृषी विभागातर्फे १४ ऑगस्ट रोजी छत्रपती शिवाजी महाराज चौकात रानभाजी महोत्सवाचे आयोजन करण्यात आले. आमदार लता चंद्रकांत सोनवणे यांनी उद्घाटन केले.

या महोत्सवात विविध प्रकारच्या रानभाज्या विक्रीला ठेवण्यात आल्या होत्या. यावेळी तालुक्यातील शेतकरी सल्लागार समितीचे सर्व सदस्य, जिल्हा महिला शिवसेनाप्रमुख रोहिणी पाटील, जि.प. सदस्य हरीश पाटील, ए. के. गंभीर, तालुका महिलाप्रमुख मंगला पाटील, पं.स. सदस्य एम. व्ही. पाटील, तालुक्यातील सर्व पदाधिकारी तसेच तहसीलदार अनिल गावित, तालुका कृषी अधिकारी प्रशांत देसाई, कृषी अधिकारी आर. आर. चौधरी, मंडळ कृषी अधिकारी आर. एम. पाटील, तालुका तंत्रज्ञान व्यवस्थापक महेंद्र साळुंखे आदी उपस्थित होते.

चहाडी येथील कृषी संजीवनी शेतकरी गटातील अध्यक्ष पंकज पाटील, हातेड येथील बळीराजा सेंद्रिय शेती गटाचे अध्यक्ष संदीप देसले, नरवाडे येथील बळीराजा शेतकरी गट सदस्य योगेश माळी, गौऱ्या पाडा येथील महिला शेतकरी गटातील महिलांनी विक्रीसाठी विविध रानभाज्या आणल्या होत्या.