पाॅलिटेक्निकची पहिली यादी जाहीर

कोल्हापूर : पाॅलिटेक्निकची पहिली यादी शनिवारी जाहीर झाली. या यादीतील प्रवेशनिश्चितीला सुरुवात झाली असून, ही प्रक्रिया गुरुवार (दि. २३) पर्यंत सुरू राहणार आहे.

पाॅलिटेक्निकच्या पहिल्या फेरीतील प्रवेश प्रक्रिया गुरुवार (दि.२३) पर्यंत सुरू राहणार आहे. त्यानंतर शुक्रवारी (दि. २४) दुसरी फेरी सुरू होणार आहे. या फेरीनंतर रिक्त जागांची माहिती प्रसिद्ध केली जाणार आहे. ऑप्शन फाॅर्म २५ ते २८ सप्टेंबरदरम्यान विद्यार्थ्यांना भरता येणार आहे. गुरुवारी (दि. ३०) दुसऱ्या फेरीतील जागा वाटप करण्यात येतील. त्यानंतर १ ते ६ ऑक्टोबरदरम्यान ज्या संस्थेत प्रवेश मिळाला आहे, तेथे प्रवेश घ्यावयाचा आहे. या कालावधीतच शैक्षणिक वर्षाची सुरुवात होणार आहे. ७ ते १३ ऑक्टोबरदरम्यान संस्था स्तरावरील प्रवेश फेरी होणार आहे. १३ ऑक्टोबरला ही प्रवेश प्रक्रिया पूर्ण होणार आहे. यादीनुसार मिळालेल्या महाविद्यालयात मूळ कागदपत्रांसह प्रवेश शुल्क भरून प्रवेश निश्चित करावेत, असे आवाहन शासकीय तंत्रनिकेतनच्या वतीने करण्यात आले आहे.