बालकल्याण संकुलातील मुलांची आरोग्य तपासणी

लोकमत न्यूज नेटवर्क

कोल्हापूर : रोटरी क्लब ऑफ कोल्हापूर हेरिटेजतर्फे उद्या, गुरुवारी सकाळी १० वाजता येथील बालकल्याण संकुलमध्ये ‘डाॅक्टर डे’ साजरा करण्यात येत आहे. त्यानिमित्त तेथील मुलांची आरोग्य तपासणी करून मोफत औषध वाटप करण्यात येत आहे. यावेळी शासकीय सेवेअंतर्गत असलेल्या डाॅक्टरांचा कोरोनायोद्धा म्हणून सन्मान करण्यात येणार आहे.

सुर्वे सोसायटीत रद्दी, प्लास्टिक उठाव उपक्रम

कोल्हापूर : येथील ताराबाई पार्कमधील सुर्वे सोसायटीतील हरिहंत साेसायटीत रद्दी संकलन व प्लास्टिक उठाव उपक्रम राबविला. एकटी संस्थेच्या कार्यकर्त्यांनी ओला व सुका कचऱ्याचे योग्य ठिकाणी निर्गतीकरण कसे होते याची माहिती सांगितली. यावेळी सुर्वे सोसायटीतील नागरिक, रश्मी बुंकर, मनीषा संकपाळ, इनव्हर क्लबच्या सदस्या उपस्थित होते. अध्यक्ष अनुराधा भोसले, जनसंपर्क अधिकारी पूजा शिंदे यांच्या मार्गदर्शनानुसार प्रसाद शिंदे, सविता कांबळे, विशाल पिंपळे यांनी कार्यक्रमांचे आयोजन केले.