वरिष्ठ राष्ट्रीय कुस्ती स्पर्धेत स्वाती शिंदेला कांस्यपदक

अमेठी (उत्तर प्रदेश) येथे सुरू असलेल्या २३ वर्षांखालील तिसऱ्या वरिष्ठ राष्ट्रीय अजिंक्यपद कुस्ती स्पर्धेत स्वाती शिंदे हिने पहिल्या कुस्तीत हिमाचल प्रदेशच्या प्रीती ठाकूरला दुहेरी पट काढून मोळी या डावावर १०-० च्या गुणांच्या फरकाने पराभूत केले. दुसऱ्या कुस्तीत मध्य प्रदेशच्या

छाया पटेल हिला दुहेरी पटावरती ताबा घेऊन भारंदाज या डावावर १० गुणांनी पराभवाचा धक्का दिला. उपांत्यपूर्व फेरीत दिल्लीच्या इशिका हिला कुस्तीत एकेरी पटावरती ताबा घेऊन मोळी डावावर दहा गुणांच्या फरकाने पराभूत करीत उपांत्य फेरीत प्रवेश केला. उपांत्य फेरीत आंतरराष्ट्रीय पदक विजेत्या हरियाणाच्या अंकुश बरोबरच्या अटीतटीच्या लढतीत स्वातीला ६-१० अशा गुणफरकाने पराभवास सामोरे जावे लागले.

रिपँचेस राऊंडमधील कांस्यपदकाच्या लढतीत चंदीगडच्या मनीषा हिला कलाजंग या डावावर १२-२ च्या गुणाधिक्याने पराभूत करीत महाराष्ट्राला कांस्यपदक मिळवून दिले.