कोल्हापूर : जवाहरनगरातील अमोल भास्कर याच्या मोटारीचा महाद्वार रोडवर थरारक पाठलाग करून त्याच्यावर सशस्त्र हल्ला केल्याप्रकरणी स्थानिक गुन्हे अन्वेषण पथकाने गुरुवारी तिघांना अटक केली. प्रदीप रामचंद्र कदम (वय २५), अजय सुनील माने (२८), सागर सुरेश जाधव (३३ सर्व रा. जवाहरनगर) अशी अटक केलेल्या संशयित हल्लेखोरांची नावे आहेत. अद्याप संदीप मोतीराम गायकवाड, रवि शिंदे, जावेद सय्यद, प्रकाश कुबेर कांबळे, अक्षय कदम (सर्व रा. जवाहरनगर) हे संशयित फरार आहेत.
दरम्यान, राहुल चव्हाणच्या खुनासाठी टीप दिल्याच्या रागातून आपल्यावर हल्ला केल्याची तक्रार अमोल भास्कर याने जुना राजवाडा पोलीस ठाण्यात दिली. बुधवारी सायंकाळी शिवाजी पेठ, महाद्वार रोड ते वाघबीळ रस्त्यावर हल्लेखोरांनी दुचाकीवरून तलवार, गज, कोयता, लोखंडी पाइप आदी हत्यारे घेऊन थरारक पाठलाग केला. हल्लेखोरांनी मोटारीच्या काचा फोडून नुकसान केले.
पोलिसांनी दिलेली माहिती अशी की, जवाहरनगरातील अमोल महादेव भास्कर हा बुधवारी सायंकाळी शिवाजी पेठेत आपल्या मोटारीतून कामासाठी गेला होता. भास्कर याने आरसी ग्रुपचा प्रमुख राहुल चव्हाण याच्या खुनासाठीची टीप दिली, यासह कुटुंबीयाने रिअल इस्टेट व होलसेल किराणा व्यापारात केलेली प्रगती पहावली नाही या रागातून संशयितांनी त्याच्या मोटारीचा तलवार, कोयता, गज, लोखंडी पाइप घेऊन थरारक पाठलाग केला. पापाची तिकटी परिसरात मोटारीवर हल्ल्याचा प्रयत्न झाला. शिवाजी पूल ते वाघबीळ रस्त्यावर हल्लेखोरांनी मोटारीच्या काचा फोडल्या. त्यानंतर शिवीगाळ, दमदाटी करत धमकीही दिली, अशी फिर्याद मध्यरात्री अमोल भास्करने जुना राजवाडा पोलीस ठाण्यात दिली. याबाबत अधिक तपास पोलीस निरीक्षक दत्तात्रय नाळे, सहाय्यक पोलीस निरीक्षक अरविंद कांबळे, उपनिरीक्षक संदीप जाधव करीत आहेत.
जवाहरनगरात बंदोबस्त
घटना महाद्वार रोड व शिवाजी पुलानजीक घडली असली तरीही त्याचे पडसाद जवाहरनगरात दोन गुंडांच्या टोळ्यांत उमटण्याची दाट शक्यता आहे. खबरदारीचा उपाय म्हणून जवाहरनगरात बुधवारी रात्रीपासूनच कडक पोलीस बंदोबस्त तैनात केला आहे.
फोटो नं. २३०९२०२१-कोल-अजय माने (आरोपी)
फोटो नं. २३०९२०२१-कोल-सागर जाधव (आरोपी)
फोटो नं. २३०९२०२१-कोल-प्रदीप कदम (आरोपी)
230921\23kol_6_23092021_5.jpg~230921\23kol_7_23092021_5.jpg~230921\23kol_8_23092021_5.jpg
फोटो नं. २३०९२०२१-कोल-अजय माने (आरोपी)फोटो नं. २३०९२०२१-कोल-सागर जाधव (आरोपी)फोटो नं. २३०९२०२१-कोल-प्रदीप कदम (आरोपी)~फोटो नं. २३०९२०२१-कोल-अजय माने (आरोपी)फोटो नं. २३०९२०२१-कोल-सागर जाधव (आरोपी)फोटो नं. २३०९२०२१-कोल-प्रदीप कदम (आरोपी)~फोटो नं. २३०९२०२१-कोल-अजय माने (आरोपी)फोटो नं. २३०९२०२१-कोल-सागर जाधव (आरोपी)फोटो नं. २३०९२०२१-कोल-प्रदीप कदम (आरोपी)