चॉपर हल्ल्यात तरुण जखमी

कोल्हापूर : विनाकारण चॉपरने केलेल्या हल्ल्यात अमोल हरीभाऊ नाईकवडे (वय ३१, रा. विचारेमाळ) हा तरुण जखमी झाला. सदरबाजार परिसरात मंगळवारी हा प्रकार घडला. याबाबत जखमी नाईकवडे यांनी दिलेल्या फिर्यादीनुसार संशयित लखन इंगळे (सदर बाजार) याच्यावर शाहूपुरी पोलीस ठाण्यात गुन्हा नोंद करण्यात आली.

मटका अड्ड्यावर कारवाई

कोल्हापूर : क्रशर चौक परिसरात उघड्यावर कल्याण मटका घेणाऱ्यास जुना राजवाडा पोलिसांनी ताब्यात घेतले. चैतन्य बंडगर असे संशयिताचे नाव आहे. त्याच्याकडून १२७० रुपयांची रोकड जप्त केली. याप्रकरणी बंडगरसह विजय पाटील, प्रमोद हेगडे या तिघा संशयितांवर जुना राजवाडा पोलिसात गुन्हा नोंद केला.

घराच्या वाटणीवरून महिलेस मारहाण

कोल्हापूर : घराच्या वाटणीवरून लोखंडी पाईपने महिलेस मारहाण केली. या मारहाणीत महिला जखमी झाली. कांचन रमेश सुतार (वय ५३, रा. चंद्रेश्वर गल्ली, शिवाजी पेठ) असे त्यांचे नाव आहे. हा प्रकार बुधवारी रात्री शिवाजी पेठेत घडला. जखमी सुतार यांच्या फिर्यादीनुसार संशयित भाचा सचिन लोहार (रा. कोल्हापूर) याच्यावर गुन्हा दाखल करण्यात आला.

दुचाकीची चोरी

कोल्हापूर : मध्यवर्ती बसस्थानक परिसरातील परीख पुलाजवळ पार्किंग केलेली दुचाकी अज्ञात चोरट्याने लॉक तोडून भरदिवसा चोरून नेली. याबाबत ओंकार ठकार यांनी शाहूपुरी पोलीस ठाण्यात दुचाकीचोरीची तक्रार दिली.