Vaccination: महाराष्ट्राला चार दिवसांत Covishield मिळण्याची शक्यता; सीरमकडे राज्यांकडून ३४ कोटी डोसची ऑर्डर
By ऑनलाइन लोकमत | Published: April 29, 2021 12:34 PM2021-04-29T12:34:53+5:302021-04-29T12:40:02+5:30
Corona Vaccination in Maharashtra Age group 18 to 44: कोविन अॅपवर नोंदणी केल्यानंतरही लसीकरणाचा स्लॉट केवळ ४५+ असाच दाखवत होता. त्यातच केंद्र सरकारने आपण पुरवत असेलेली लस केवळ ४५ हून अधिक आणि कोरोना योद्ध्यांसाठीच देण्याची अट घातल्याने १ मे पासून चौथ्या टप्प्यातील लसीकरण सुरु होणे खूप कठीण आहे.
Vaccination: महाराष्ट्राला चार दिवसांत Covishield मिळण्याची शक्यता; सीरमकडे राज्यांकडून ३४ कोटी डोसची ऑर्डर
Next देशात कोरोना लसीकरणाचा (Corona Vaccination Drive) चौथा टप्पा १ मे पासून सुरु होणार आहे. राज्यांकडे १८ ते ४४ वयोगटातील (18 to 44 age group) लोकांना देण्यासाठी लसच उपलब्ध नाहीय. यामुळे काल कोविन अॅपवर नोंदणी केल्यानंतरही लसीकरणाचा स्लॉट केवळ ४५+ असाच दाखवत होता. त्यातच केंद्र सरकारने आपण पुरवत असेलेली लस केवळ ४५ हून अधिक वयाच्या आणि कोरोना योद्ध्यांसाठीच देण्याची अट घातल्याने १ मे पासून चौथ्या टप्प्यातील लसीकरण सुरु होणे खूप कठीण आहे. महाराष्ट्रासह काही राज्यांनी हे लसीकरण मोफत करण्याची घोषणा केली आहे. तसेच सीरम आणि बायोटेकला त्याची ऑर्डरही दिली आहे. (Serum Institute got 34 crore corona vaccine order from States and 2 crore from Private Hospital.)
Covishield लसीचे काय आहेत साईड इफेक्ट? लँसेटच्या अभ्यासात समोर आले सत्य
एकट्या महाराष्ट्राला १२ कोटी डोस लागणार आहेत. पुण्यातील सीरम इन्स्टिट्यूटकडे (Serum Institute) आतापर्यंत विविध राज्यांनी ३४ कोटी डोस हवे असल्याची मागणी नोंदविली आहे. तर खासगी हॉस्पिटलनी त्यांना २ कोटी डोस हवे असल्याचे कळविले आहे. या राज्यांना कोव्हिशिल्ड लस हवी आहे. सुत्रांनुसार पुढील चार दिवसांत काही राज्यांना कोव्हिशिल्डचा पुरवठा केला जाऊ शकतो. या आठवड्यात पाच राज्यांना कोव्हिशिल्ड मिळणार आहे. (Serum Institute of India said it will start supplying the vaccines in four days. Five states will get the supplies this week, including Maharashtra.)
CoronaVirus in India: भयावह! देशात नवे रुग्ण, मृतांच्या संख्येत विक्रमी वाढ; 2.69 लाख बरे झाले
सीरम इन्स्टिट्यूटच्या सुत्रांनी आज तकला दिलेल्या माहितीनुसार सर्वात पहिला कोरोना लसीचा पुरवठा हा महाराष्ट्राला आणि अन्य चार राज्यांना केला जाणार आहे. उरलेल्या राज्यांना पुरवठा करण्यासाठी तीन आठवड्यांचा वेळ देण्यात आला आहे. जसजशी कोरोना लस राज्यांना मिळत जाईल तसतशी ती लस १८ पेक्षा जास्त वयोगटाच्या लोकांना दिली जाणार आहे.
CoronaVirus News: राज्य कोरोना संकटात, तिजोरीवर मोठा भार; काँग्रेसनं घेतला महत्त्वाचा निर्णय
सीरमने लसीचे दर कमी केले
सीरम इन्स्टिट्यूट ऑफ इंडियाने राज्यांना देण्यात येणाऱ्या कोविशिल्ड लशीची प्रतिकुपी किंमत १०० रुपयांनी कमी केली आहे. त्यामुळे ही लस आता ३०० रुपयांना उपलब्ध होणार आहे. व्यापक जनहिताच्या दृष्टीने हा निर्णय घेतल्याचे ट्विट कंपनीचे मुख्य कार्यकारी अधिकारी आदर पूनावाला यांनी केले आहे.
नुकत्याच झालेल्या दरपत्रकानुसार ‘सीरम’ची कोविशिल्ड लस राज्यांना ४०० रुपयांना दिली जाणार होती. त्यावरून राज्यांकडून मोठा आक्षेप घेण्यात आला होता. खासगी रुग्णालयांत हीच लस ६०० रुपयांना उपलब्ध होणार होती. ऑक्सफर्ड विद्यापीठ आणि ॲस्ट्राझेनेका यांनी विकसित केलेली ही कोरोना प्रतिबंंधक कोविशिल्ड लस ‘सीरम’तर्फे भारतात उत्पादित करण्यात येत आहे.