प्रणिती शिंदेंना मोठा धक्का! त्यांच्याच मतदारसंघात काँग्रेसचा उमेदवार पडला; भाजपने बालेकिल्ला फोडला

Solapur city central Assembly Election 2024 Result Live Updates: महाराष्ट्रात मविआचे भलेभले नेते पराभूत झाले आहेत. बाळासाहेब थोरात, पृथ्वीराज चव्हाण यांच्या पाठोपाठ काँग्रेसचा आणखी एक बालेकिल्ला ढासळला आहे.

Solapur city central Assembly-Vidhan Sabha Election 2024 Result Live दगाबाजीवरून रंगलेल्या आरोप प्रत्यारोपाच्या सोलापूरमधील राजकारणात मोठा ट्विस्ट आला आहे. महाराष्ट्रात मविआचे भलेभले नेते पराभूत झाले आहेत. बाळासाहेब थोरात, पृथ्वीराज चव्हाण यांच्या पाठोपाठ काँग्रेसचा आणखी एक बालेकिल्ला ढासळला आहे. सोलापूर शहर मध्य मतदार संघातून भाजपाचे देवेंद्र कोठे विजयी झाले आहेत. 

सोलापूर शहर मध्य हा मतदारसंघ भाजपला कधीच लाभला नव्हता. या मतदारसंघात माजी केंद्रीय गृहमंत्री सुशीलकुमार शिंदे यांच्या कन्या प्रणिती शिंदे या तीन वेळा आमदार म्हणून निवडून आल्या होत्या. त्यापूर्वी तर हा मतदारसंघ कम्युनिस्ट पक्षाचे नरसय्या आडम यांच्याकडे होता. या निवडणुकीत आलेल्या त्सुनामीत काँग्रेसचे उरलेसुरलेले बालेकिल्लेही उध्वस्त झाले आहेत. 

प्रणिती शिंदे खासदार झाल्यानंतर त्यांनी त्यांच्या मतदारसंघाचे वारसदार म्हणून काँग्रेसचे चेतन नरोटे यांना आमदारकीचे तिकीट दिले होते. नरोटे यांचा ४० हजार पेक्षा जास्त मतांनी पराभव झाला आहे. एमआयएमचे फारूक शाब्दि हे देखील या रिंगणात होते.