प्रवाशांच्या अल्प प्रतिसादामुळे १८ गाड्या रद्द

मध्य रेल्वेच्या १०, तर पश्चिम रेल्वेच्या ८ गाड्यांचा समावेश

लोकमत न्यूज नेटवर्क

मुंबई : वाढत्या काेराेना संसर्गामुळे गेल्या काही दिवसांत रेल्वे प्रवाशांची संख्या कमी झाली आहे. त्यामुळे ज्या गाड्यांना अल्प प्रतिसाद मिळत आहे अशा मध्य रेल्वेच्या १०, तर पश्चिम रेल्वेच्या ८ गाड्या रद्द करण्यात आल्या आहेत.

मध्य रेल्वेच्या जबलपूर - नागपूर दैनिक विशेष, नागपूर - जबलपूर विशेष, हबीबगंज - पुणे साप्ताहिक, पुणे - हबीबगंज साप्ताहिक विशेष, ह. निजामुद्दीन - पुणे विशेष, पुणे - ह. निजामुद्दीन, म्हैसूर - साईनगर शिर्डी विशेष, साईनगर शिर्डी - म्हैसूर विशेष, म्हैसूर - बागलकोट जंक्शन विशेष, बागलकोट जंक्शन - म्हैसूर विशेष या १० गाड्या रद्द करण्यात आल्या आहेत. तर, वांद्रे टर्मिनस - अहमदाबाद - वांद्रे टर्मिनस सुपरफास्ट विशेष, अहमदाबाद - केवडिया - अहमदाबाद जनशताब्दी एक्स्प्रेस, इंदौर - नागपूर विशेष, नागपूर - इंदौर विशेष, डॉ. आंबेडकर नगर - यशवंतपूर विशेष, यशवंतपूर - डॉ. आंबेडकर नगर विशेष, इंदौर - गांधीधाम विशेष, गांधीधाम - इंदौर विशेष या पश्चिम रेल्वे मार्गावरून धावणाऱ्या गाड्या रद्द करण्यात आल्या आहेत.

...........................