मुंबई : मुंबईत गुरुवारी २८३ रुग्ण आणि पाच जणांच्या मृत्यूंची नोंद झाली आहे. तर दिवसभरात २०३ रुग्ण बरे होऊन घरी गेले असून आतापर्यंत ७ लाख १९ हजार १५८ रुग्णांनी कोरोनावर मात केली आहे. सध्या २ हजार ७६० रुग्ण सक्रिय आहेत.
मुंबईत बरे झालेल्या रुग्णांचा दर ९७ टक्के आहे, तर १२ ते १८ आगस्टपर्यंत मुंबईतील एकूण कोविडवाढीचा दर ०.०३ टक्के आहे. मुंबईत रुग्ण दुप्पट होण्याचा काळ २ हजार ५४ दिवसांवर आला आहे. शहर-उपनगरात ७ लाख ४० हजार २९० कोरोनाबाधित असून मृतांचा आकडा १५ हजार ९३५ झाला आहे. शहर-उपनगरात एकही प्रतिबंधित क्षेत्र नाही, तर सक्रिय सीलबंद इमारतींची संख्या २६ आहे. मागील चोवीस तासांत पालिकेने रुग्णांच्या संपर्कातील १ हजार ५६६ सहवासितांचा शोध घेतला आहे. दिवसभरात पालिकेने ५२ हजार ४८२ चाचण्या केल्या असून आतापर्यंत ८७ लाख ९८ हजार ४३९ कोरोना चाचण्या केल्या आहेत.