डाेंगरीतून २५ किलो एमडी जप्त

तिघांना अटक; डोंगरी पोलिसांची कारवाई

लोकमत न्यूज नेटवर्क

मुंबई : डोंगरीतील ड्रग्ज रॅकेटचा पर्दाफाश करत डोंगरी पोलिसांनी शनिवारी २५ किलो एमडी जप्त केले. यात आतापर्यंत ३ आरोपींना अटक करण्यात आली.

डोंगरी पोलिसांनी १८ फेब्रुवारी रोजी इसाक इकबाल हुसेन सय्यद (३८) याला १२ ग्रॅमच्या एमडीसह अटक केली. अधिक तपास करताना करताना सय्यदला ड्रग्ज पुरविणाऱ्या अब्दुल वसीम अब्दुल अजीज शेख (३१) याला नवी मुंबईच्या वाशी भागातून अटक करण्यात आली. त्याच्याकडून ५६ ग्रॅम एमडी जप्त करण्यात आले. याच अटक आरोपींच्या चौकशीतून २० फेब्रुवारी रोजी पथक दीपक संजीवा बंगेरापर्यंत पोहोचले. त्याच्या कलीना येथील घरातून पथकाने २५ किलो एमडी जप्त केले. याची किंमत १२ लाख ५० हजार इतकी आहे. तसेच ५ लाखांची रोकडही जप्त करण्यात आली. पोलीस उपायुक्त शशिकुमार मीना, सहायक पोलीस आयुक्त अविनाश शिंगटे, वरिष्ठ पोलीस निरीक्षक शबाना शेख यांच्या मार्गदर्शनाखाली ही कारवाई करण्यात आली.

...................................