४२ किलो गांजासह ३ जणांना अटक

मीरारोड -   काशीमीरा पोलिसांनी घोडबंदर भागातून ४२ किलो गांजासह तिघांना अटक केली आहे . वरिष्ठ पोलीस निरीक्षक संदीप कदम यांना माहिती मिळाली कि , काही व्यक्ती हे गांजा विक्री करण्याकरीता घोडबंदर भागात येणार आहेत . पोलीस निरीक्षक कुमारगौरव धादवड , सहायकनिरीक्षक प्रशांत गांगुर्डे सह अनिल पवार, सचिन हुले, निलेश शिंदे, सुधीर खोत, राहुल सोनकांबळे,  रविंद्र कांबळे, प्रविण टोबरे व जयप्रकाश जाधव यांच्या पथकाने सापळा रचला . माहिती नुसार एक रिक्षा आली असता ती थांबवून त्यातील लोकांची चौकशी सुरु केली . 

रिक्षात प्लॅस्टिकच्या ४ गोण्यात भरलेला गांजा हा अमली पदार्थ सापडला .  पोलिसांनी अभिषेक देवीदास वाघ (२५) रा. दहीसर पूर्व ; अभिषेक जसवंत सिंग (२०)व कुलदीप गुरनाम सिंग (२५)  दोघेही रा . नायगांव पुर्व तालुका वसई  यांना अटक करण्यात आली . ४ लाख २० हजार रुपये किंमतीचा गांजा असून काशीमीरा पोलीस ठाण्यात गुन्हा दाखल करण्यात आला आहे .