लोकमत न्यूज नेटवर्क, मुंबई: महाराष्ट्र नवनिर्माण सेनेच्या ४५ उमेदवारांची यादी मंगळवारी जाहीर करण्यात आली आहे. या यादीमध्ये मुंबईतील १८ उमेदवारांचा समावेश आहे. मनसे अध्यक्ष राज ठाकरे यांचे पुत्र अमित ठाकरे अखेर माहीममधून निवडणुकीच्या रिगणात उतरणार आहेत. आ. प्रमोद (राजू) पाटील यांना कल्याण ग्रामीणमधून, तर दिवंगत आ. रमेश वांजळे यांचा मुलगा मयुरेश वांजळे यांना खडकवासलामधून उमेदवारी देण्यात आली आहे.
मनसे अध्यक्ष राज ठाकरे यांनी विधानसभा स्वबळावर लढण्याचे घोषित केले होते. उद्धवसेनेचे नेते आदित्य ठाकरे यांनी वरळीमधून निवडणूक लढविण्याचा निर्णय घेतला. त्यावेळी मनसेने त्यांच्याविरोधात उमेदवार दिला नव्हता. मात्र, अमित ठाकरे यांची उमेदवारी जाहीर झाल्यामुळे उद्धवसेना त्यांच्याविरोधात उमेदवार देणार की नाही हे उद्या कळेल.
नाशिक जिल्ह्यात उमेदवार देण्यात आलेला नाही. गेल्यावेळी मनसेने १०१ उमेदवार उभे केले होते. त्यापैकी कल्याण ग्रामीणमधून राजू पाटील हे एकमेव आमदार निवडून आले होते. गेल्यावेळच्या तुलनेत यंदा मनसेने जाहीर केलेल्या ४५ उमेदवारांपैकी भांडुप पश्चिम, मागाठाणे, दहिसर, दिंडोशी, कांदिवली (पूर्व), घाटकोपर (पश्चिम), घाटकोपर (पूर्व), चेंबूर, चांदिवली, भिवंडी (पश्चिम), मीरा भाईंदर, हडपसर, गुहागर, कर्जत - जामखेड, वरोरा या १५ मतदारसंघात नवीन उमेदवार दिले आहेत.
हे आहेत मनसेचे ४५ उमेदवार
मतदारसंघ उमेदवार
- कल्याण ग्रामीण प्रमोद (राजू) रतन पाटील
- माहीम अमित राज ठाकरे
- भांडुप पश्चिम शिरीष गुणवंत सावंत
- वरळी संदीप सुधाकर देशपांडे
- ठाणे शहर अविनाश जाधव
- मुरबाड संगिता चंदवणकर
- कोथरुड किशोर शिंदे
- हडपसर साईनाथ बाबर
- खडकवासला मयुरेश रमेश वांजळे
- मागाठाणे नयन प्रदीप कदम
- बोरीवली कुणाल माईणकर
- दहिसर राजेश येरुणकर
- दिंडोशी भास्कर परब
- वर्सोवा संदेश देसाई
- कांदिवली पूर्व महेश फरकासे
- गोरेगांव विरेंद्र जाधव
- चारकोप दिनेश साळवी
- जोगेश्वरी पूर्व भालचंद्र अंबुरे
- विक्रोळी विश्वजित ढोलम
- घाटकोपर पश्चिम गणेश चुक्कल
- घाटकोपर पूर्व संदीप कुलथे
- चेंबूर माऊली थोरवे
- चांदिवली महेंद्र भानुशाली
- मानखुर्द-शिवाजीनगर जगदीश खांडेकर
- ऐरोली निलेश बाणखेले
- बेलापूर गजानन काळे
- मुंब्रा-कळवा सुशांत सूर्यराव
- नालासोपारा विनोद मोरे
- भिवंडी पश्चिम मनोज गुळवी
- मिरा-भाईंदर संदीप राणे
- शहापूर हरिश्चंद्र खांडवी
- गुहागर प्रमोद गांधी
- कर्जत-जामखेड रवींद्र कोठारी
- आष्टी कैलास दरेकर
- गेवराई मयुरी बाळासाहेब म्हस्के
- औसा शिवकुमार नागराळे
- जळगांव शहर डॉ. अनुज पाटील
- वरोरा प्रवीण सूर
- सोलापूर दक्षिण महादेव कोगनुरे
- कागल रोहन निर्मळ
- तासगांव-कवठे महाकाळ वैभव कुलकर्णी
- श्रीगोंदा संजय शेळके
- हिंगणा विजयराम किनकर
- नागपुर दक्षिण आदित्य दुरूगकर
- सोलापूर शहर-उत्तर परशुराम इंगळे