मुंबई महानगर प्रदेश विकास प्राधिकरणातर्फे मेट्रो २ अ आणि मेट्रो ७ चे काम वेगाने सुरु असून, गुरुवारी चारकोप आगारात एकत्रित ६ डब्यांच्या ट्रेनची डायनॅमिक कमी गतीमध्ये ५२० मीटर अंतराची चाचणी घेण्यात आली. तर आता मार्चमध्ये दुसऱ्या ट्रेन संचाचे आगमन झाल्यावर रेल्वेची सिग्नलिंगसह एकत्रित समांतर चाचणी सुरू होईल. दरम्यान, मेट्रो ट्रेनच्या पहिल्या डब्याचे २८ जानेवारी रोजी चारकोप डेपोमध्ये आगमन झाले. या पहिल्या पहिल्या मेट्रो ट्रेनच्या डब्यांचे अनावरण मुख्यमंत्री उद्धव ठाकरे यांच्या हस्ते झाले.
एमआरएसच्या दिलेल्या कंत्राटानुसार बीईएमएल कंपनीकडून एकूण ९६ ट्रेन पुरवण्यात येणार आहेत. यातील ही १ पहिली ट्रेन आहे. याद्वारे मेक इन इंडिया उपक्रमास चालना दिली जात आहे. बीईएमएल अभियंत्यांद्वारे चारकोप येथील मेट्रो डब्यांची गाड्यांची तपासणी करण्यात आली. हार्ड-वायर्ड कमांडचा उपयोग करून ऊर्जा आणि मर्यादित हालचालीसाठी ६ मेट्रो डब्यांचे ३- ३ डब्यामध्ये दोन विभागात विभाजित केले गेले. यासाठी, पॅनटोग्राफ कंट्रोल्स , प्रोपल्शन आणि ब्रेक सिस्टमसह ट्रेनची उच्च विद्युत पुरवठा प्रणालीची काही भागात चाचणी घेण्यात आली आहे.
उपरोक्त काम पूर्ण झाल्यानंतर, वाहन नियंत्रण सर्किट, टीसीएमएस नियंत्रणे आणि भिन्न उप प्रणालींसह इंटरफेस, शोर सप्लाय, उच्च व्होल्टेज, ब्रेक सिस्टमसह प्रपल्शन फाइन ट्यूनिंग, सहाय्यक उर्जा पुरवठा, ब्रेक्स आणि न्यूमेटिक्स, डोअर सिस्टम, एअर सारख्या विविध उप प्रणालींची कार्यक्षमता कंडिशनिंग, लाइटिंग, पॅसेंजर घोषित करणे आणि पॅसेंजर इनफॉरमेशन सिस्टम (पीए-पीआयएस) इत्यादी प्रत्येक उपप्रणालीची आगारात एकत्रित ट्रेन चाचणीद्वारे स्वतंत्रपणे पडताळणी करण्यात येईल. याकरिता एक महिना लागेल. मुख्य मार्गाला जोडणी झाल्यावर ट्रेन फील्ड चाचण्या सुरू होतील.