पोलिसांच्या हातावर तुरी देऊन आरोपीने काढला पळ

मुंबई : पोलिसांच्या हातावर तुरी देऊन आरोपीने पळ काढल्याचा प्रकार चुनाभट्टी परिसरात घडला. रविचंद्रन श्रीजीवी (वय २०) असे आरोपीचे नाव आहे.

गस्तीदरम्यान श्रीजीवी पोलिसांच्या हाती लागला हाेता. त्याच्याविरुद्ध चुन्नाभटी, डोंगरी पोलीस ठाण्यांत गंभीर गुन्ह्यांची नोंद आहे. बुधवारी सकाळी त्याला न्यायालयात हजर करण्यासाठी नेत असताना, पोलिसांची नजर चुकवून त्याने हाताच्या बेड्या सोडविण्यास सुरुवात केली. पुढे वाहतूक कोंडीत पोलिसांच्या वाहनांचा वेग कमी होताच, त्याो हाताची बेडी साेडली आणि पोलिसांना धक्काबुकी करून पळ काढला.

पोलिसांनी त्याचा पाठलाग केला. मात्र ताे पळून जाण्यात यशस्वी ठरला. या प्रकरणी चुनाभट्टी पोलिसांनी आरोपीविरुद्ध गुन्हा नोंद केला असून त्याचा शाेध सुरू आहे.

............................